1 SAMUEL 14:1 - Sura' Madatu

¹ Den sangallo nama’kada Yonatan, anakna Saul lako pa’takinna, nakua: Maiko talamban lian lako surodadu pa’kampana to Filistin, tu sambalinna lu. Apa iatu iannato tae’ napokadanni ambe’na.

1 SAMUEL 14:1 ပူးပေါင်းရင်းမြစ်များ

MIKHA 7:5

Da’mo mipatonganni tu solami, da’mo mikatappa’i tu sangmanemi; kanandai tu pudukmu lako tu baine mamma’ diong riammu.

TO PARENGNGE’ 14:6

Apa Narampoi PenaanNa PUANG, naurungan ussapekki tu singa, susito ussapek anak bembe’ laki, moi natae’ bang apa lan limanna. Apa tae’ napaissanni ambe’na sia indo’na tu apa mangka napogau’.

TO PARENGNGE’ 14:9

Naalami tu tani’ enoan iato napadiongi pala’na, anna male ungkande lolananni. Iatonna rampomo lako indo’ ambe’na naben dukami pira, anna kandei. Apa tae’ napokada lenni, kumua iatu tani’ enoan iato naala lan mai singa mate.

TO PARENGNGE’ 6:27

Pakalan natambaimi Gideon tu solana sangpulo, anna pogau’i susitu kadanNa PUANG lako kalena; apa belanna mataku’ lako sangdadianna sia lako pa’tondokan iato la umpogau’ alloi, iamoto napogau’ bongii.

1 SAMUEL 13:2

napileiammi Saul kalena tallungsa’bu tau dio mai to Israel; duangsa’bu tu sola Saul dio Mikhmas sia dao buntu Betel na sangsa’bu sola Yonatan dio Gibea lan lili’ Benyamin; na iatu senga’na nasua sule lako tendana.

1 SAMUEL 13:22

Iamo bannangna to na iatonna attu kasirarian moi misa’ la’bo’ ba’tu doke tae’ lan limanna tu mintu’ tau nasolan Saul sia Yonatan, sangadinna dio manna Saul sia Yonatan, anakna tu nanii.

1 SAMUEL 13:23

Ta’kala sunmi sangtuntunan surodadu pa’kampa to Filistin, anna male lako aa’ Mikhmas.

1 SAMUEL 14:2

Iatu Saul torro dio tampak Gibea diong garonto’ dalima tu dio Migron. Na iatu mintu’ to nasolan agi-agi annan ratu’.

1 SAMUEL 25:19

anna ma’kada lako taunna, nakua: Malemokomi dolo, kuundimora dio boko’. Moi misa’ tae’ napokadanni Nabal, muanena tu apa iato.