1 SAMUEL 13:9 - Sura' Madatu

⁹ Iamoto nama’kada tu Saul, nakua: Banna’ mai tu pemala’ ditunu pu’pu’ sia pemala’ kasalamaran. Napemalarammi tu pemala’ ditunu pu’pu’.

1 SAMUEL 13:9 ပူးပေါင်းရင်းမြစ်များ

2 SAMUEL 24:25

Na inde to nanii Daud umpabendananni PUANG tu misa’ inan pemalaran, napemalaranni tu pemala’ ditunu pu’pu’ sia pemala’ kasalamaran. Natarimami PUANG tu passambayangna sia Nakamasei tu tondok anna dipatoyang tu kasanggangan dio mai to Israel.

1 DATU 3:4

Malemi tu datu lako Gibeon la memala’ dio, belanna iamote tu inan madao mala’bi’na tongan; napemalarammi Salomo tu pemala’ ditunu pu’pu’ sangsa’bu dao inan pemalaran iato.

PA’PUDIAN 37:7

Parapa’i tu penaammu dio oloNa PUANG sia tayanNi; da mukaredei tu to maupa’ lalanna, sia iatu umpalolang tangnga’ kelok.

SARAMBU PEADA’ 15:8

Iatu pemala’na to tang mekaaluk Nakagalli PUANG, apa iatu passambayangna to bulo lollong naala penaanNa Puang.

SARAMBU PEADA’ 20:22

Da muma’kada kumua: la kupabala’i tu kakadakean, sangadinna kampai tu PUANG, na Iamora untunduiko.

SARAMBU PEADA’ 21:27

Iatu pemala’na to tang mekaaluk iamo misa’ kamagallian, ondong pole’ ke napemalaranni situang tangnga’ kadake.

SARAMBU PEADA’ 21:3

Umpogau’ kamaloloan sia salunna mandu naala penaanNa PUANG na iatu pemala’.

YESAYA 66:3

Minda-minda urrere’ misa’ sapi, samanna umpatei tau; minda-minda umpemalaran anak domba, samanna to ulle’to pasallo asu; minda-minda umpennoloan kande dipemalaran, samanna to umpemalaran rara bai; minda-minda untunu dupa napopemala’ kapengkilalan, samanna umpudi dipa’deatainna. Susitu tau iato mai unturu’ lalan pa’poraianna, sia umposende penggauran megi’giranna,

PA’TOLE 12:5

Apa iatu inan Napileimo PUANG, Kapenombammi, dio mai lili’na mintu’ sukummi la Napannii sanganNa dio sia Nanii ma’tondok, iamoto tu la midaka’ sia la minii male lako.

PA’TOLE 12:6

Indemoto la minii umbaai tu mintu’ pemala’ ditunu pu’pu’mi sia pemala’ pangrere’mi sia mintu’ taa sangpulomi sia mintu’ pamengammi tu dipamarimbangan sia mintu’ pemala’ pangallonammi sia mintu’ pemala’ tanning inaammi sia anak pa’bunga’na sapimmi sia pa’bunga’na dombami sia bembe’mi.

1 SAMUEL 14:18

Ma’kadami tu Saul lako Ahia, nakua: Baai mai tu pattinNa Puang Matua; belanna attu iato iatu pattinNa Puang Matua dio lu to Israel.