1 SAMUEL 13:6 - Sura' Madatu

⁶ Iatonna tiromi to Israel lan kamasussan sia kapussakammo tu to buda, membunimi tu to buda lan lu lo’ko’ sia lan lu sapak batu sia dao lu buntu batu sia diong lu garuang sia diong lu bubun marangke.

1 SAMUEL 13:6 ပူးပေါင်းရင်းမြစ်များ

2 SAMUEL 24:14

Ma’kadami tu Daud lako Gad nakua: Lendu’mo pussakku; melomo ke tobang rokkoki’ limanna PUANG, belanna kapua tu kamamaseanNa, podo da angku tobang rokko limanna to lino.

YESAYA 42:22

Apa tau iate misa’ bangsa dipangrampai sia dipanglo’do’i, napungomi tau sola nasang lan lo’ko’, anna patamai pa’tarungkuan; iatu tau iato mai butungmo apa dirampa, na moi misa’ tau tae’mo urrampananni; iatu tau iato mai butungmo apa dilo’do’i, na moi misa’ tau tae’mo ma’kada, kumua: Pasulei.

YEREMIA 41:9

Iatu bubun nanii Ismael umpembuanganni tu mintu’ batang rabukna tau napatei, misa’ bubun kapua, iamotu nabo’bok datu Asa, belanna ungkataku’ Baesa, datu to Israel; bubun iamoto naponnoi Ismael, anakna Netanya, to dipatei.

YEHEZKIEL 33:27

Susito la mukua lako tau iato mai, kumua: Inde sia tu kadanNa Puangta PUANG, Nakua: La lelukraka tuoKu, minda-minda tu lan inan daun-lauan la tibambang nakande pa’dang; minda-minda tu dio lu padang, la Kuben olo’-olo’ nakande; na minda-minda tu lan tambakuku sia lan lo’ko’ la mate nabaa ra’ba biang.

FILIPI 1:23

nasisukunnina’ te da’dua: mamali’ penaangku la male angku torro sisola Kristus, belanna iamo ma’iringanna melona to;

IBRANI 11:38

Tonganna iatu issinna te lino tae’ nasielle’ lako tau iato mai; tau iato mai salamba salao dio lu padang aak sia dao lu mintu’ buntu sia lo’ko’ sia pamombong.

YOSUA 8:20

Iatonna messaile tu mintu’ to Ai sia mentiro, mangngami, iatu rambu kota te’dek langngan langi’, sia tae’mo lalan la naola sule lako ba’tu lu dio mai, belanna iatu surodadu mallai lako padang pangallaran tibalikmo sule la unneai tu to mangula’.

TO PARENGNGE’ 10:9

Ondongpi iatu mintu’ to Amon ullambannimo Yordan la urrarii to Yehuda, to Benyamin sia to Efraim, naurunganni lendu’mo pussakna tu to Israel.

TO PARENGNGE’ 20:41

Tibalikmi tu to Israel, anna tiramban tu mintu’ to Benyamin, belanna natiromo tau iato mai, kumua iatu kasanggangan mandappi’ lako kalena.

TO PARENGNGE’ 6:2

Napandasa tongan to Midian tu to Israel. Belanna mataku’ lako to Midian, iamoto nagaragai tu pembunian dao lu buntu, lan lo’ko’ sia lan tambakuku.

1 SAMUEL 13:15

Mangkato ke’de’mi tu Samuel dio mai Gilgal ma’palurekke Gibea lan lili’ Benyamin. Nabilangmi Saul tu mintu’ to torro siapa sola, denpa agi-agi annan ratu’.

1 SAMUEL 14:11

Iatonna pa’petiroammo kalena sola duai lako surodadu pa’kampana to Filistin, nakuami tu to Filistin: Tassu’mo tu to Ibrani lan mai kalo’tok, tu naninna membuni.

1 SAMUEL 14:22

Iatonna rangimi mintu’ to Israel tu membuninna dao lu buntu Efraim, kumua mallaimo tu to Filistin, turu’ dukami mangula’ parari.

1 SAMUEL 23:19

Mangkato malemi tu to Zif lu rekke mennolo lako Saul dio Gibea, nakua: Tae’raka miissanni, kumua iatu Daud membuni kisikandappiran lan tambakuku dio Koresa dao tanete Hakhila, rampe sau’na padang talo?

1 SAMUEL 24:3

Nasolammi Saul tallungsa’bu tu to ditonno’ dio mai mintu’ to Israel, anna male undaka’ Daud sola mintu’ taunna sikandappi’ buntu batu Bembe’ lampung.

1 SAMUEL 31:7

Iatonna tiromi to Israel rampe lakona rante sia sambalinna lu Yordan kumua mallaimo tu to Israel sia matemo tu Saul sola anakna tallu, natampemi tu mintu’ tondok anna mallai. Saemi tu to Filistin anna torro lan.

1 SAMUEL 7:7

Iatonna rangimi to Filistin, kumua sirampun tu to Israel dio Mizpa, nalaoimi mintu’ arung kota to Filistin tu to Israel. Iatonna rangimi to Israel tu iannato, mataku’mi lako to Filistin.