1 SAMUEL 13:5 - Sura' Madatu

⁵ Iatu mintu’ to Filistin sirampunmo la sirari to Israel; iatu kareta pararinna den tallungsa’bu anna iatu pakkanarangna annan sa’bunna na iatu lumingkanna susito karangan dio biring tasik. Ke’de’mi tu tau iato mai sola nasang, anna pabendan tendana dio Mikhmas rampe matallona Bet-Awen.

1 SAMUEL 13:5 ပူးပေါင်းရင်းမြစ်များ

KADADIAN 22:17

manassa la Kubenko karongkosan kapua sia la Kupopemba’ka’ kalle-kallean tu bati’mu pada bintoen dao langi’ sia pada karangan dio biring tasik, sia la nalapa’ nasang bati’mu tu babanganna ualinna.

2 SAMUEL 17:11

Apa iake timbangangku, melo ke dirampunni tu mintu’ to Israel randuk daa mai Dan sae sau’ Bersyeba, susi karangan dio biring tasik, na puangku kalena duka la male sola parari.

1 DATU 20:27

Dipasakka’ dukamo tu mintu’ surodadunna to Israel, sia dipasandai kinallo, anna ke’de’ male ullaoi to Aram. Ma’tendami tu to Israel sitingoan tau iato mai butung to duang tuntunan bembe’, apa iatu to Aram nasamboi bang tu rante.

2 OSSORANNA DATU 1:9

Totemo, o PUANG Kapenomban, la dadi tonganmo tu kadamMi lako ambe’ku Daud, belanna Miangka’mo’ datu umparenta misa’ bangsa makamban, susi barra’-barra’ dao kuli’na padang.

YESAYA 10:28

Saemi lako Ayat, anna tarru’ lako Migron, anna tampei tu mai apanna di Mikhmas.

YESAYA 48:19

sia iatu bati’mu la susi karangan sia tarukmu la sangtinti bungin; tae’ anna la diputtai tu sanganna ba’tu dipisanni dio oloKu.

YEREMIA 15:8

Iatu bilanganna mintu’ baine balunna tau iato mai la Kupabuda anna bungin dio biring tasik; la Kupasaean misa’ to ma’kasanggang, ke tangngai allo, tu tau iato mai, iamotu indo’ sia to mangura. Ta’pa la Kuparampoi kamatakuran sia ma’patirambanna tu tau iato mai.

HOSEA 10:5

Belanna anak sapi dio Bet-Awen anna selang tu to umpa’tondokki Samaria; ondongpi iatu to buda mario-rio tu diona to, sia silallakan to minaa umpengkaolai rapang-rapang dipodeata, belanna sisayurammo kamala’biranna.

HOSEA 4:15

Iake la moraikomi ma’gau’ sala, e to Israel, da anna lakoi sala tu to Yehuda! Da milao lako Gilgal, sia da milao lako Bet-Awen, sia da mipalao sumpa dio, kumua: La lelukraka tuoNa PUANG!

HOSEA 5:8

Pannonikomi napiri tanduk dio Gibea sia tarompe’ dio Rama! Unnarrakkomi dio Bet-Awen diona kasirarian! Naula’ko ualimmu, e Benyamin!

ROMA 9:27

Sia napetamban duka Yesaya tu diona to Israel nakua: Moi anna susi bungin diong tasik tu bilanganna to Israel, torrona manna la dikarimmanni.

YOSUA 11:4

Tassu’mi tu tau iato mai sola mintu’ surodadunna tu nasolan, lendu’ budanna, susito karangan dio biring tasik sia iatu mai darang sia kareta lendu’ budanna.

YOSUA 18:12

Iatu angge lili’na daanna lu randuk dio mai Yordan namane ma’palulangngan umpatu buntu ma’borong daanna lu Yerikho, sia tarru’ ma’palulangngan buntu rampe matampu’, na iatu tampakna lan padang pangallaran Bet-Awen.

YOSUA 7:2

Nasuami Yosua tu ba’tu pira-pira tau dio mai Yerikho lako Ai, tu sikandappi’ Bet-Awen, rampe matallona Betel, sia ma’kada lako, nakua: Malekomi usserre’i tu tondok iato. Malemi tu tau iato usserre’i Ai.

TO PARENGNGE’ 7:12

Iatu mintu to Midian sia to Amalek sia mintu’ suku dio mai matallo ma’tenda diong lu lombok, lendu’ budanna susito batik, sia iatu untana tang dikemba’ dibilang, iatu budanna susi bang to karangan dio lu biring tasik.

1 SAMUEL 13:11

Ma’kadami Samuel nakua: Apara mipogau’? Mebalimi tu Saul nakua: Belanna kutiro tu to buda mallai sisarak-sarak dio mai kaleku sia tae’ duka misae lan to allo diallu’, sia sirampunmo tu to Filistin dio Mikhmas,

1 SAMUEL 13:2

napileiammi Saul kalena tallungsa’bu tau dio mai to Israel; duangsa’bu tu sola Saul dio Mikhmas sia dao buntu Betel na sangsa’bu sola Yonatan dio Gibea lan lili’ Benyamin; na iatu senga’na nasua sule lako tendana.

1 SAMUEL 14:23

Susimoto tu to Israel Narampanan PUANG allo iato. Tarru’ bang tu kasirarian iato sae lako nalendu’i tu Bet-Awen.

1 SAMUEL 14:52

Lan mintu’ allo katuoanna Saul tae’ upu’na tu rari maparrang unnea to Filistin; iamoto anna rampunni Saul lako kalena tu mintu’ to barani sia lalong natiro.

1 SAMUEL 17:1

Narampunmi to Filistin tu mintu’ surodadunna la parari, nasirampun dio Sokho lan lili’na Yehuda, napabendanni tu tendana dio kasiallaranna Sokho na Azeka dio Efes-Damim.

1 SAMUEL 7:13

Susimoto tu diona to Filistin ditalo sia tae’mo natama lili’ padangna to Israel; anna limanNa PUANG unnea to Filistin lan mintu’ allo katuoanna Samuel.