1 SAMUEL 13:4 - Sura' Madatu

⁴ Narangimi mintu’ to Israel tu kareba iato anna ma’kada, nakua: Natalomo Saul tu surodadu pa’kampana to Filistin; iamo napobannang anna kadake lele tu to Israel lako to Filistin. Undinnato sirampunmi tu to buda unturu’ Saul lako Gilgal.

1 SAMUEL 13:4 ပူးပေါင်းရင်းမြစ်များ

KADADIAN 34:30

Nakuami Yakub lako Simeon sola Lewi: Mipa’petumanganna’ sia mipalele kadake tu sangangku lako mintu’ pa’tondokan iate, iamotu lako to Kanaan sia to Feris; kita te to tang pirariki’, iake natambai nasangi tu solana, sae unneaki’, manassa natalona’ sia napasisanggangna’ mintu’ repokku.

KADADIAN 46:34

La mebalikomi susite: Iate kami sola nasang biasakan umpatuo patuoan randuk dio mai bitti’ki sae lako totemo, la kami la to doloki. La susito, ammi dieloran torro lan tana Gosyen, belanna iatu to umpatuo domba nakagalli to Mesir.

2 SAMUEL 10:6

Iatonna issanmi to Amon kumua napakadake lelemo tu kalena dio olona Daud, nasuami ussaroi to Aram dio Bet-Rehob sia to Aram dio Zoba duangpulo sa’bu tu surodadu lumingka, sia surodadunna datu Maakha sangsa’bu, sia surodadunna Tob sangpulo dua sa’bu.

KATASSURAN 5:21

Ma’kadami tu tau iato lako: Kenna tiroorokomi PUANG sia Napaolaikomi salu, belanna mipakadake lelemokan lako Firaun sia lako mintu’ pareanna natumang kadammi, butung-butung to mipatangkei pa’dang la umpateikanni.

ZAKHARIA 11:8

Iatu to mangkambi’ tallu kuratoimo lan sangbulan, belanna tappumo tu kasa’barasangku lako sia nakanoka dukamo’ tu tau iato mai.

YOSUA 5:9

Ma’kadami tu PUANG lako Yosua, Nakua: Allo iate Kulendokammo dio mai kalemi tu kanabellerammi to Mesir. Iamoto nasangai tau Gilgal tu inan iato sae lako allo iate.

1 SAMUEL 10:8

La doloko rokko Gilgal, sia manassa la malena’ rokko umpessitammuiko, la umpemalaran pemala’ ditunu pu’pu’ sia untunu pemala’ kasalamaran. Ammu kampaina’ diong pitung allo sae lako rampoku umpokadangko tu apa sipatu la mupogau’.

1 SAMUEL 27:12

Nakatappa’imi Akhis tu Daud anna ma’tangnga’, nakua: Umpakadake lelemo kalena dio lu bangsana, dio lu to Israel, iamoto la tontong kupotau sae lakona.