1 SAMUEL 13:16 - Sura' Madatu

¹⁶ Torromi tu Saul na Yonatan, anakna sia mintu’ tu to torro sola dio Geba lan lili’ Benyamin, apa iatu mintu’ to Filistin ma’tenda dio Mikhmas.

1 SAMUEL 13:16 ပူးပေါင်းရင်းမြစ်များ

YESAYA 10:29

Tau iato mai unnola kumila’: Geba tanii ma’bongi; anna ma’parondo tu Rama; mallai duka tu pa’tondokan Gibea-Saul.

1 SAMUEL 13:2

napileiammi Saul kalena tallungsa’bu tau dio mai to Israel; duangsa’bu tu sola Saul dio Mikhmas sia dao buntu Betel na sangsa’bu sola Yonatan dio Gibea lan lili’ Benyamin; na iatu senga’na nasua sule lako tendana.

1 SAMUEL 13:3

Nataloimi Yonatan tu surodadu pa’kampana to Filistin dio Geba; narangimi to Filistin tu mintu’ apa iato. Attu iato napesuammi Saul umpannoni napiri tanduk dio lu mintu’ lili’ tondok, nakua: La narangi mintu’ to Ibrani.

1 SAMUEL 14:2

Iatu Saul torro dio tampak Gibea diong garonto’ dalima tu dio Migron. Na iatu mintu’ to nasolan agi-agi annan ratu’.