1 SAMUEL 13:13 - Sura' Madatu

¹³ Ma’kadami tu Samuel lako Saul, nakua: Iate penggaurammi te kabagan tongan, belanna tae’ mituru’i tu pepasanNa PUANG, Kapenombammi, tu dipokadangkomi, belanna iatu tanan penaanNa PUANG, la morai umpatontongi totemo tu kadatuammi lako to Israel sae lakona.

1 SAMUEL 13:13 ပူးပေါင်းရင်းမြစ်များ

KADADIAN 31:28

Sia tae’ poleopi ammu tangga’na’ unnudungi tu mati’ bati’ku muane sia baine. Iamoto munii umpogau’mo penggauran baga.

2 SAMUEL 24:10

Apa iatonna mangkamo unnia’i tu mintu’ pa’tondokan, ma’parondomi tu penaanna Daud, anna ma’kada tu Daud lako PUANG, nakua: Mandu tonganmo’ kasalan umpogau’i tu iannato; melo, o PUANG, pa’dei dikka’ tu kasalanna taumMi, belanna ma’gau’ to bagana’.

1 DATU 18:18

Mebalimi nakua: Tae’ kupamandasai tu to Israel, sangadinna kamu kalena sia sangdadianna ambe’mi, belanna umboko’ikomi pepasanNa PUANG, ammi pengkaolai tu mintu’ Baal.

1 DATU 21:20

Nakuami Ahab lako Elia: Mukabu’tuimora’ka, e ualingku? Nakuami tu Elia: Tonganna kukabu’tuimokomi, belanna umbalukmokomi kalemi umpogau’ apa kadake dio pentiroNa PUANG.

1 OSSORANNA DATU 10:13

Susimoto tu kamateanna Saul, belanna tang maruru’ lako PUANG sia belanna tae’ napalan penaai tu kadanNa PUANG, ondongpi male mekutana sia umpalaku pa’timbangan lako bombo to mate,

2 OSSORANNA DATU 16:9

Belanna iatu matanNa PUANG ma’penunu tiku lao dao te kuli’na padang, la ungkamaseanni kamatotoran minda-minda tu lantuk penaanna lako Kalena. Kabagan tongan te mipogau’, iamoto randuk totemo tae’mo mila ka’tu dirarii.

2 OSSORANNA DATU 19:2

Malemi tu Yehu, anakna Hanani, umpessitammui, anna ma’kada lako datu Yosafat nakua: Sipaturokomika untundui tu to tang mekaaluk sia sisangmane to ungkabiri’ PUANG? Iamoto narampoikomi kare’dekan ara’na PUANG.

AYUB 34:18

iamotu Puang, tu ma’kada lako misa’ datu, Nakua: E to tang kebattuan, sia lako to la’bi’, Nakua ungkuanni: E kamu to tang mekaaluk;

SARAMBU PEADA’ 12:8

Iatu tau dipangke’ sitinaya tangnga’ kinaanna, apa iatu to leko’ penaanna la dipamatuna.

SARAMBU PEADA’ 19:3

Iatu kabaganna kalena tau ussanggang lalanna, moi susito, ma’paropo’ duka lako PUANG.

YESAYA 39:5

Ma’kadami Yesaya lako Hizkia, nakua: La naperangii puangku tu kadanNa PUANGna mintu’ ma’dandan maritik:

YEREMIA 18:10

Apa iake umpogau’i apa kadake dio pentiroKu, anna tae’ naperangii tu gamarangKu, manassa Kupenassanni tu kameloan mangka Kupokada la Kukamaseanni.

1 SAMUEL 1:22

Apa iatu Hana tae’ namale rekke, sangadinna nakua lako muanena: ianna sarak susumo te pia, aku la ussolanni, anna mennolo dio oloNa PUANG sia torro tarru’ daa.

1 SAMUEL 13:12

kutangnga’mi lan penaangku, kukua: Sattu’mora nasaemo to Filistin ullaoina’ dio Gilgal, natae’pa kupalakui lako PUANG, kumua anNa bura’moraki’ lindo masakke, iamoto angku pabarani tu kaleku umpemalaranni tu pemala’ ditunu pu’pu’.

1 SAMUEL 15:11

MenassanNa’, belanna Kuangka’ tu Saul dadi datu, belanna toyangmo dio mai Kaleku sia tae’mo naturu’i tu parentaKu. Massengmi penaanna tu Samuel, anna meongli’ lako PUANG situ’turan bongi.

1 SAMUEL 15:22

Nakuami Samuel: Naalaraka penaanNa PUANG tu pemala’ ditunu pu’pu’ sia pemala’ susi kanaalanna penaanNa, ke dituru’i tu kadanNa? Tonganna mandu melo ia tu menturu’ na iatu pemala’ sia iatu ma’perangi mandu melo na lompo domba laki.

1 SAMUEL 15:28

Nakuami Samuel lako: Allo ia dukate, anNa alai PUANG tu kadatuan Israel dio mai kalemi, Nakamaseanni to senga’ tu melo anna kamu.

1 SAMUEL 16:1

Ma’kadami tu PUANG lako Samuel, Nakua: Sangapapoko la masse penaammu ungkilalai Saul, tu mangkamo Kutumpu, kumua damo nadatui tu to Israel? Issiimi minna’ tu tandukmu, ammu male, belanna la Kusuako male lako Isai, to Betlehem, belanna dio mai mintu’ tu anakna muane Kutonnoran Kaleku misa’ datu.

1 SAMUEL 26:21

Nakuami Saul: Kasalammo’! Sulemoko, e anakku Daud, tae’mo kula umpogau’ kadake lako kalemu, belanna mupa’budai tongan tu katuoangku te allo iate. Manassa iatu penggaurangku baga tongan sia manduna’ pusa.