1 SAMUEL 13:12 - Sura' Madatu

¹² kutangnga’mi lan penaangku, kukua: Sattu’mora nasaemo to Filistin ullaoina’ dio Gilgal, natae’pa kupalakui lako PUANG, kumua anNa bura’moraki’ lindo masakke, iamoto angku pabarani tu kaleku umpemalaranni tu pemala’ ditunu pu’pu’.

1 SAMUEL 13:12 ပူးပေါင်းရင်းမြစ်များ

PA’PUDIAN 66:3

La ma’kadakomi lako Puang Matua, kumua: Lendu’ metakuranna tu mintu’ penggauramMi, mintu’ duka ualimMi pudukna bangri mengkanorong Mati’ belanna kuasa kapuamMi.

AMOS 8:5

tu ma’tangnga’-tangnga’ kumua: Sangapapira nalendu’ tu bulan ba’ru, angki ma’din umbalukan gandung sia allo katorroan, angki ma’din umpatassu’ gandung dibalukan; angki pabitti’i tu epa sia umpakapua sikele’ sia ma’pakena umpake timbangan tang tongan,

2 KORINTUS 9:7

Da’ito anna pantan mamengan situru’ kamatinurusan penaanna, da naturu’i katangmasorokan penaa ba’tu diparuku. Belanna iatu Puang Matua ungkamasei to masorok penaanna mamengan.

1 SAMUEL 13:11

Ma’kadami Samuel nakua: Apara mipogau’? Mebalimi tu Saul nakua: Belanna kutiro tu to buda mallai sisarak-sarak dio mai kaleku sia tae’ duka misae lan to allo diallu’, sia sirampunmo tu to Filistin dio Mikhmas,

1 SAMUEL 13:13

Ma’kadami tu Samuel lako Saul, nakua: Iate penggaurammi te kabagan tongan, belanna tae’ mituru’i tu pepasanNa PUANG, Kapenombammi, tu dipokadangkomi, belanna iatu tanan penaanNa PUANG, la morai umpatontongi totemo tu kadatuammi lako to Israel sae lakona.

1 SAMUEL 15:12

Mangkato millik melambi’mi tu Samuel, namale sitammu Saul; napokadami tau lako Samuel, nakua: Rampomo tu Saul lako Karmel, anna osokan kalena misa’ batu dipotanda; iatonna sepang senga’mo, tarru’mi male rokko Gilgal.

1 SAMUEL 15:22

Nakuami Samuel: Naalaraka penaanNa PUANG tu pemala’ ditunu pu’pu’ sia pemala’ susi kanaalanna penaanNa, ke dituru’i tu kadanNa? Tonganna mandu melo ia tu menturu’ na iatu pemala’ sia iatu ma’perangi mandu melo na lompo domba laki.

1 SAMUEL 21:7

Allo ia dukato den misa’ taunna Saul dio, tu marimbangan la menomba dio oloNa PUANG, disanga Doëg, misa’ to Edom, iamo pangulunna mintu’ to mangkambi’na Saul.