1 SAMUEL 12:8 - Sura' Madatu

⁸ Iatonna rampomo tu Yakub lako Mesir sia metamba-tamba tu nene’ to dolomi lako PUANG, Nasuami PUANG tu Musa sola Harun, tu ussolan nene’ to dolomi tassu’ lan mai Mesir, anna paunnisungi dao inan iate.

1 SAMUEL 12:8 ပူးပေါင်းရင်းမြစ်များ

PA’PUDIAN 105:44

Naba’gi tondokna ba’tu pira bangsa tu tau iato mai, anna pomana’i tu kara’tasanna to sangpetayanan.

KATASSURAN 12:51

Iatonna allo ia bangsiamoto Nasolanni PUANG tu mintu’ to Israel lan mai tondok Mesir unturu’ mintu’ kaponanna.

KATASSURAN 6:26

Iamotu ma’kada lako Firaun, datu Mesir, anna eloranni tu to Israel tassu’ lan mai tondok Mesir. Iamora tu Musa sola Harun.

KADIBILANGAN 20:15

umba nakua tu diona nene’ to doloki male lako Mesir, sia masai allokan umpa’tondokki Mesir, sia iatu to Mesir umpakario-riokan, susi duka tu nene’ to doloki.

PENGGAURANNA RASULU’ 7:15

Malemi tu Yakub rokko Mesir, undinna matemi sia ia duka tu nene’ to dolota;

YOSUA 1:6

La batta’ko sia lalongko, belanna iko la umposara’i te bangsa iate la umpomana’i tu tondok tu Kupalaoan sumpa lako nene’ to dolona la ungkamaseanni.

YOSUA 21:43

Susimoto tu PUANG ungkamasean to Israel mintu’ padang, tu umpalao sumpa unnallu’i lako nene’ to dolona; naalami napomana’ tau iato mai sia nanii ma’tondok.

1 SAMUEL 10:18

sia ma’kada lako to Israel, nakua: Susite tu kadanNa PUANG, Kapenombanna to Israel: Kusolammo tu to Israel tassu’ lan mai tondok Mesir sia Kurampanammokomi dio mai mintu’ kadatuan, tu umpandasakomi.

1 SAMUEL 12:6

Ma’kada dukapa tu Samuel lako to buda, nakua: PUANGmo tu unnangka’ Musa sola Harun sia tu mangka ussolan nene’ to dolomi lan mai tondok Mesir.