1 SAMUEL 12:5 - Sura' Madatu

⁵ Nakuami Samuel: Allo iate PUANGmo dadi sa’bi lako kalemi sola nasang sia iatu to Natokko la sa’bi duka allo iate, kumua moi misa’ sala tae’ miappa’ dio kaleku! Mebalimi tu tau iato mai, nakua: Na Iamora sa’bi.

1 SAMUEL 12:5 ပူးပေါင်းရင်းမြစ်များ

KADADIAN 31:50

Iake mupakario-rioi tu mai anakku sia umpobaineko baine senga’, moi anna tae’ tau dioren: kilalai, kumua Puang Matua la untiroki’ patomali.

AYUB 16:19

Apa moi nasusito, tonganna denmo totemo tu Sa’bingku dao suruga, iamotu To ma’tonganangku dao masuanggana.

AYUB 42:7

Iatonna mangkamo PUANG umpokadai lako Ayub tu mintu’ kada iato, ma’kadami tu PUANG lako Elifas, to Téman, Nakua: Iatu kare’dekan ara’Ku ma’lulu-lulu lako kalemu sia lako tu da’dua sangmanemu, belanna tae’ mususi taungKu Ayub, iatu kamu mangkamokomi umpokada tang maloloNa’.

PA’PUDIAN 17:3

Iake ussandakKomi penaangku, sia umparessana’ ke mabongi, sia ussudina’, na moi misa’ tae’ la diappa’ iake susinna salai tu tangnga’ku, tae’ duka sia nasun dio pudukku.

KATASSURAN 22:4

Iake tandanni tu apa naboko dilolongan tuopa dio kalena, la sapi la keledai, la domba sola bembe’, manassa la nasonda manglokkon penduan.

YOHANES 18:38

Nakuami Pilatus lako: Apara tu kamanapparan iato? Iatonna ma’kada susito, sunomi nalao lako to Yahudi, nakuami lako: Tae’ kukabu’tui tu salaNa.

PENGGAURANNA RASULU’ 23:9

Bu’tumi kamarukkan kapua, nake’de’ ba’tu pira-pira tu pandita Sura’ dio to Farisi massita’gen nakua: Tae’ bangra kakadakeanna kiappa’ te tau iate; iake napa’kadai tongannia’gan penaa ba’tu malaeka’, la naposalaoraka?

PENGGAURANNA RASULU’ 24:16

Ia dukamora te ianna te kunii umpembela-belai, kumua angku tontong untambuk inaa masero pindan la langngan Puang Matua la lako tolino.

PENGGAURANNA RASULU’ 24:20

Apa tae’ dio ren tu tau iato, dadi da’ito na ia bangmo te tau iate mai umpokadai tu salaku tu natirona tongku bendan dio olona Ada’,

1 KORINTUS 4:4

Belanna moi misa’ tae’ kuissan tu sala dio kaleku; apa iatu iannato tae’pa kudibilang malolo, sangadinna iatu umpaolaina’ salunna Iamotu Puang.

2 KORINTUS 1:12

Belanna iatu kapassattuangki, tu natonganan sukaran inaangki, kumua iatu gau’ki lan te lino, ontongpi lako kamu situru’ kamaindanan sia kamaseroan, lu dio mai Puang Matua, tangngia situru’ kakinaan katolinoan, sangadinna diona pa’kamaseanNa Puang Matua.

1 SAMUEL 12:4

Mebalimi tu tau iato sola nasangi, nakua: Tae’ mipakario-riokan sia tae’ mipaolaikan tang salunna sia tae’ra mitarima apa dio mai misa’ duka tau.

1 SAMUEL 26:9

Apa nakua Daud lako Abisai: Da musanggangi tu datu, belanna mindara tu umpata’pai lima tu to Natokko PUANG, anna torro masero dio mai kasalan?