1 SAMUEL 12:3 - Sura' Madatu

³ Totemo ma’diorenmo’. Pamatu’tunmi lako kaleku dio oloNa PUANG sia dio olona to Natokko, kumua: mindamora sapi kuala, mindamora keledai kuala sia mindamora kupakario-rio sia mindamora tu tang kupaolai salunna? Sia mindamora lima kunii untarima pappe’ kuurunganni untutu’ matangku diona kara-karana? Iake denni susinnato la kusondai sule lako kalemi.

1 SAMUEL 12:3 ပူးပေါင်းရင်းမြစ်များ

2 SAMUEL 22:22

belanna kuturu’mo tu mintu’ lalanNa PUANG, sia tae’ bangpa angku sala’ kedo, sepang dio mai Kapenombangku.

NEHEMIA 5:11

Iamoto pasulemi totemo lako tau iato mai tu mintu’ pa’lakna sia pa’lak anggoro’na sia pa’lak saitunna sia iatu mai banuanna sia doi’ napa’uaian sia taeranni tu pa’peindanmi diona gandung, uai anggoro’ sia minna’.

PA’PUDIAN 15:5

Iamotu to tang umpamala’da’ denne’ doi’na, sia tang ungkande pappe’ la umpandasa to tang sala. Minda-minda ungkariturui tu iannate, tae’ nala tilende’ tontong sae lakona.

KATASSURAN 20:17

Da’ mukailui banuanna padammu ma’rupa tau, da’ mukailui bainena padammu ma’rupa tau, ba’tu solana muane, ba’tu solana baine, ba’tu sapinna, ba’tu keledainna, ba’tu barang apanna padammu ma’rupa tau.

KATASSURAN 22:4

Iake tandanni tu apa naboko dilolongan tuopa dio kalena, la sapi la keledai, la domba sola bembe’, manassa la nasonda manglokkon penduan.

KATASSURAN 23:8

Sia da mutarima pappe’, belanna iatu pappe’ umpabuta to pakita sia umputa’-puta’ kara-karana to tang sala.

SARAMBU PEADA’ 15:27

Minda-minda umbarakki saro bu’tu kadake, iamo ussanggangi banuanna; apa minda-minda ungkagi’gi’ pamengan iato, la tuo marendeng.

SURA’ KATOMINAAN 6:4

iake umpogau’i kasalan susito, sia iake denni sala, la napasule tu apa narampa, ba’tu apa natoro’, ba’tu iatu apa dipopenanna lako kalena, ba’tu iatu apa pa’de anna rurui,

SURA’ KATOMINAAN 6:5

ba’tu apa-apa tu nanii umpalao sumpa tang tongan. La napasulean ganna’ tu sondana sia la narangngannipa pissan taa pellimanna; anna pasulei lako puangna, iamotu allo nanii umpemalaranni tu pemala’na belanna kasalan.

KADIBILANGAN 16:15

Attu iato re’dek tonganmi tu ara’na Musa, anna ma’kada lako PUANG nakua: Da’ Mitiroi tu kande dipemalaranna. Moi misa’ keledai tae’pa kuala dio mai tau iato mai sia moi misa’ tau tae’ duka kupandasa.

MATIUS 22:21

Nakuami tu tau mebali: Datu. Nakuami Yesu lako tau iato: Iamoto dadi pennoloanni lako datu kapua tu apanna datu kapua, sia lako Puang Matua tu apanNa Puang Matua.

LUKAS 19:8

Ke’de’mi tu Zakheus nama’kada lako Puang, nakua: O Puang, sangsesena tongan bang tu iananku kuben to kalala’ sia iake denni apa-apanna tau kutangnga’ kualai, kupopellokkon penna’pa’ kupasuleanni lako.

PENGGAURANNA RASULU’ 20:33

Tae’ angku kaduangi salakana tau ba’tu bulaanna ba’tu pakeanna.

2 KORINTUS 12:14

Kilalai, totemo te ma’pentallunnamo’ ma’pasakka’ la mati’, anna tae’ angku la umpamatana’komi. Belanna tangngia apammi kudaka’, sangadinna kalemi. Apa tae’ ia biasanna tu pia umpakombongan ianan indo’ ambe’na, sangadinna indo’ ambe’ri umpakombonganni anakna.

PA’TOLE 16:19

Da mupakelokki tu salunna; da mumentiro lindo sia da mutarima pappe’. Belanna iatu pappe’ umpabuta mata to kinaa, sia ulleko’ kada to tongan.

1 TESALONIKA 2:10

Kamu ungkanassai sia Puang Matua duka, tumba masallo’na sia malambu’na sia tang sayuanna tu gau’ki lako kamu ma’patonganna.

1 TESALONIKA 2:5

Belanna tae’pa kibelai ullono’komi, moi kamu miissan duka; tae’ duka angki kalemu’i kabasisi-inaan, Puang Matua untiroi!

1 PETRUS 5:2

kambi’i tu mintu’ dombaNa Puang Matua tu mitage’na, da anna susito diparuku sangadinna la sanning penaa situru’ pa’poraianNa Puang Matua; sia da anna butung la morai mesaro bu’tu kadake, sangadinna naturu’ penaa kalebu;

1 SAMUEL 10:1

Naalami Semuel tu misa’ gori-gori nanii minna’ busarungngu’, naboloanni langngan ulunna Saul, sia naudung, anna ma’kada nakua: Tang PUANG raka untokkoko la dadi arung mana’Na?

1 SAMUEL 12:4

Mebalimi tu tau iato sola nasangi, nakua: Tae’ mipakario-riokan sia tae’ mipaolaikan tang salunna sia tae’ra mitarima apa dio mai misa’ duka tau.

1 SAMUEL 12:5

Nakuami Samuel: Allo iate PUANGmo dadi sa’bi lako kalemi sola nasang sia iatu to Natokko la sa’bi duka allo iate, kumua moi misa’ sala tae’ miappa’ dio kaleku! Mebalimi tu tau iato mai, nakua: Na Iamora sa’bi.

1 SAMUEL 2:35

La Kupadenan Kaleku tu misa’ to minaa manappa’ sia iamo la umpogau’i tu apa lan penaangKu sia lan tangnga’Ku; Aku la umpabendananni misa’ banua matontongan sia tontong la lolang dio olona to Kutokko.

1 SAMUEL 24:11

Tonganna allo ia dukamote anna matammi kalena untiroi, kumua Nasorong PUANG te allo totemo tu puangku tama limangku lan lo’ko’ iate sia nakuammo’ tau la umpatei puang, apa kukanana’i tu puangku, sia kukua: Ma’apai kula umpata’pai lima tu datu, belanna iamo to Natokko PUANG.

1 SAMUEL 24:6

Apa iatonna mangkato, inang ma’rundede duka tu penaanna Daud, belanna mangkamo nase’pa’i tu biring bayu lamba’na Saul.

1 SAMUEL 24:7

Ma’kadami lako taunna nakua: Napatoyangna’ PUANG dio mai umpogau’i tu apa susite lako datungku tu mangka Natokko PUANG, iamo tu la umpata’pa limangku lako, belanna iamo to Natokko PUANG.

1 SAMUEL 26:11

Napatoyangmora’ PUANG la umpata’pai lima tu to Natokko PUANG. Totemo alami tu dokena tu dio to’ ulunna sia iate busso, anta male.

1 SAMUEL 26:9

Apa nakua Daud lako Abisai: Da musanggangi tu datu, belanna mindara tu umpata’pai lima tu to Natokko PUANG, anna torro masero dio mai kasalan?