1 SAMUEL 12:25 - Sura' Madatu

²⁵ Apa iake inang umpogau’komi kadake, manassa la diputtaikomi sola datummi.

1 SAMUEL 12:25 ပူးပေါင်းရင်းမြစ်များ

AYUB 36:12

Apa, iake tang ma’perangii, namangsanni kandean doke sia ka’tu sunga’na lan katangpaissananna.

YESAYA 1:20

Apa iake battukkomi sia pabali-bali, manassa la nakandekomi bassi mataran; susimoto tu kada ombo’ dio mai randan pudukNa PUANG.

YESAYA 3:11

Upu’ allona tu to tang mekaaluk, la narampoi kakadakean tu tau iato, belanna la dipasisurung kande limanna.

HOSEA 10:3

Inang ma’kada tu tau iato mai totemo, nakua: Tae’ datunta – apa iake tae’i takataku’ PUANG, apara ma’din napogaurangki’ tu datu.

PA’TOLE 28:36

Iatu PUANG la ussolangko sola datummu, tu muangka’ la undatuiko, lako misa’ bangsa, tu tang mutandai, la iko la nene’ to dolomu; inde to dio la munii umpenombai kapenomban senga’, iamotu kayu sia batu.

PA’TOLE 8:19

Apa la dadi, ke mukalupai liumi tu PUANG, Kapenombammu, ammu turu’mo kapenomban senga’ sia umpengkaolai sia tukkuko umpenombai – la kupamanassangkomi totemo, kumua la sanggang tongankomi.

YOSUA 23:16

Iake milendai tu basse, tu Naallurangkomi PUANG, Kapenombammi, ammi male umpengkaolai sia tukku umpenombai kapenomban senga’, manassa la ma’lulu-lulu tu kasengkeanNa PUANG lako kalemi sia la madomi’komi disanggangi lan mai tondok ballo tu Nakamaseangkomi Puang.

YOSUA 24:20

Iake mitampeI tu PUANG, ammi pengkaolai deatanna to salian bangsa, manassa la memboko’, Naparampoikomi kakadakean sia Nasabu’ikomi, tonNa mangkamo umparampoikomi kameloan.

1 SAMUEL 13:1

Iatu Saul pirang-pirang taunmo tonna randuk ma’parenta. Iatonna duang taunmo umparenta to Israel,