1 SAMUEL 12:24 - Sura' Madatu

²⁴ PUANG manna tu la mikataku’ sia mipengkaolai situang kamarurusan sia penaa kalebummi, belanna tiromi tumbai kapuana tu apa Napogau’ lako kalemi.

1 SAMUEL 12:24 ပူးပေါင်းရင်းမြစ်များ

2 DATU 17:39

Sangadinna la mipakaraya tu PUANG, Kapenombammi; iake susito Puang duka la urrampanankomi dio mai limanna ualimmi.

AYUB 28:28

apa lako tolino ma’kada Nakua: Manassa iatu kamatakuran lako Puang – iamo kakinaan sia toyang dio mai kakadakean, iamo patiro penaa.

PA’PUDIAN 111:10

Iatu ungkataku’ PUANG oto’na mintu’ kakinaan; minda-minda umpogau’i susito, iamoto kinaa. Sia iatu kadipudianNa tontong sae lakona.

PA’PUDIAN 119:80

Sangapaoi anna kalebu tallang tu penaangku umpengkaolai mintu’ apa Mipondok, da angku kasirisan.

KATASSURAN 12:13

Iatu rara iamo la dadi misa’ tanda lako kalemi dio lu banua minii; iangKu tiromi tu rara iato la Kulendu’imokomi, naurungan tae’ kamandasan mesanggangan dio lu kalemi, ke Kupata’paimi lima tu tondok Mesir.

SARAMBU PEADA’ 1:7

Ungkataku’ PUANG iamo pamulanna mintu’ kapaissanan: apa iatu to baga ussayu kakinaan sia peada’.

TOMANGADA’ 12:13

Inde sia tu kada ma’katampakanna tu mintu’ apa narangimo tau, iamotu kataku’i tu Puang Matua sia karitutui tu mintu’ pepasanNa, belanna iamoto tu sipatu lako mintu’ tolino.

YESAYA 5:12

Iatu pa’maruasanna napamarua’ oni katapi, dandi, ganda’-ganda’ sia suling sia anggoro’, apa iatu penggauranNa PUANG tae’ anna palan ara’i sia tae’ anna sailei tu lalan limanNa.

YOHANES 1:47

Nakitami Yesu tu Natanael sae lako Kalena, Nama’kada umpokadai tu a’ganna Nakua: Tiromi tu misa’ to Israel tongan, tu tae’ tangnga’ kadake dio kalena!

ROMA 12:1

Iamoto, e kamu siulu’ku, kupakilalakomi tete dio kamamaseanNa Puang Matua, pennoloanni tu kalemi butung pemala’ tuo sia masero sia Naporai Puang Matua, iamoto tu kamenomban tu siolanan kakinaan.

PA’TOLE 10:21

Puang Iamo kadipudiammu sia Puang Iamo Kapenombammu, tu mangka umpogaurangko te mai apa tarompo’ sia metakuran tu mutiro kalena.

PA’TOLE 29:1

Inde sia tu kada basse tu Napepasanan PUANG lako Musa la Natanan sola to Israel lan padang Moab, senga’ na iatu basse mangka Natanan Puang sola to Israel dio Horeb.

PA’TOLE 29:2

Natambaimi Musa tu mintu’ to Israel sirampun lako kalena, nama’kada lako nakua: Mangkamo mitiro tu mintu’ apa Napogau’ PUANG lan tondok Mesir lako Firaun, sia mintu’ taunna sia mintu’ tondokna dio pentiromi,

IBRANI 12:29

Belanna iatu Kapenombanta api ma’pamampu’.

YOSUA 24:14

Iamoto la mikasiri’ tu PUANG sia la mipenombai situang penaa lantuk sia maruru’, ammi boko’i tu mintu’ deata tu napenombai nene’ to dolomi sambalinna lu Salu sia dio Mesir, ammi pengkaolai PUANG.