1 SAMUEL 12:23 - Sura' Madatu

²³ Na iatu aku kurannuan tongan la dipamambela dio mai kaleku umpogau’i te kasalan iate lako PUANG, iamotu la tadang umpengkamoyangkomi; sangadinna la kuada’ikomi tu lalan melo sia tongan.

1 SAMUEL 12:23 ပူးပေါင်းရင်းမြစ်များ

1 DATU 8:36

attu iato la Miperangii dao mai suruga sia la Mipa’dei tu kasalanna taumMi sia taumMi to Israel – belanna Mipatuduan lalan melo tu tau iato mai tu sipatu la naolai – sia Mipasaean uran tu padang, tu mangka Mikamasean taumMi la napomana’.

2 OSSORANNA DATU 6:27

attu iato la Miperangii lan mai suruga sia la Mipa’dei tu kasalanna taumMi sia taumMi to Israel – belanna Mipatudu diona lalan melo tu tau iato mai, tu sipatu la naolai – sia Mipasaean uran tu padangMi, tu mangka Mikamasean taumMi la napomana’.

PA’PUDIAN 122:6

Palakuanni kamarampasan tu Yerusalem, sangapaoi anna rapa’ tu to ungkamali’ko.

PA’PUDIAN 34:11

Iatu anak singa kapu’duran sia ussa’ding tangdia’, apa iatu to undaka’ PUANG tae’ nala kapu’duran len apa maelo.

PA’PUDIAN 34:12

Maikomi, e kamu anakku umperangiina’, kuada’ikomi ungkasiri’ PUANG.

KATASSURAN 32:30

Iatonna masiangmo dio mai ma’kadami tu Musa lako to buda: Mangkamokomi umpogau’ kasalan kapua; totemo la kendekna’ umpennoloi PUANG, lala siai manii kupadenanni kadiseroian tu kasalammi.

SARAMBU PEADA’ 4:11

Kuada’iko tu diona lalan kakinaan, kupalingkako dio lu lalan malolo.

TOMANGADA’ 12:10

Napengkaolai Tomangada’ la ullolongan kada mammi’, sia ussura’ misa’ sura’ tongan sia kada matappa’.

YESAYA 30:21

Iake la sepangkomi lako kairi ba’tu lako kanan, la murangi tu kada dipokada dio boko’mu, nakua: Iamote tu lalanna, la miolaimo.

YEREMIA 15:1

Apa Nakua PUANG lako kaleku: Moi anna Musa sola Samuel bendan dio oloKu, tae’ duka nala unnalai penaangKu te bangsa iate; papallai tu tau iato mai dio mai oloKu, suai male.

YEREMIA 27:18

Iake la nabi tonganni tu tau iato mai sia iake sikambi’i kadanNa PUANG, melo ke mengkamoyai lako PUANGna mintu’ ma’dandan maritik, kumua anna iatu mintu’ pareanan tu torropa lan banuanNa PUANG sia lan banuanna datu Yehuda sia dio Yerusalem, damo nadibaa lako Babel.

YEREMIA 42:4

Mebalimi nabi Yeremia lako tau iato mai, nakua: Kuturu’mo tu palakummi; manassa la massambayangna’ lako PUANG, Kapenombammi, susitu kadammi, sia iatu mintu’ kada tu Napebalian PUANG lako kalemi, la Kupokadangkomi; moi sangbuku kada tae’ angku la umbuniangkomi.

YEREMIA 6:16

Iamote tu kadanNa PUANG: Bendankomi dio lu to’ batatta; tiro meloi sia pekutananni tu lalan dolo, umbanna tu lalan tongan, anna ia mipolalan, anna rapa’ penaammi; apa nakua tu tau iato mai: Manokakan umpolalanni.

PENGGAURANNA RASULU’ 12:5

Iamoto anna dikurung tu Petrus lan pa’tarungkuan, apa napengkamoya-moyan tongan kombongan napassam- bayangan.

PENGGAURANNA RASULU’ 20:20

mintu’na tu apa den patunna lako kalemi, moi mia’ tae’ kubuni, sangadinna kupa’peissanan lako kalemi, sia kuadarangkomi dio tingayona to buda sia lan lu banua;

ROMA 1:9

Na Puang Matuamora tu Kupenombai lan penaangku umpa’peissanan Kareba-kaparannuanNa AnakNa, ungkatottongina’, tumba makaritutungku umpalan ara’komi,

1 KORINTUS 9:16

Belanna iake umpa’peissananna’ Kareba-kaparannuan, tae’ kusattuanni, apa iatu iannato inang passanangku; ontongpi masolangna’, ke tae’i kupa’peissananni tu Kareba-kaparannuan.

KOLOSE 1:28

tu kipa’peissanan, angki pakilala simisa’i tu tau sia kiada’i situru’ mintu’ kakinaan, kikua angki popennolo simisa’i tu tau natae’mo sayuanna lan Kristus.

KOLOSE 1:9

Iamoto tempon dio mai tongki rangi tu iannato, tae’mo kitorei umpassambayangangkomi sia umpalakui kumua anna ponnoikomi kapaissanan untandai tu pa’poraianNa Puang Matua lan mintu’ kakinaan sia kamanarangan mempenaa,

1 TESALONIKA 3:10

Keallo kebongi massambayang tongan-tongankan, dikua angki ma’din untiro rupammi sia urrangnganni tu kurangnapa lan kapatonganammi.

2 TIMOTIUS 1:3

Ma’kurre sumanga’na’ langngan Puang Matua, tu kupenombai susi nene’ to doloku situru’ sukaran inaa masero, kumua tae’ ka’tungku ungkilalaiko lan mintu’ passambayangku keallo kebongi.

1 SAMUEL 12:19

Ma’kadami tu mintu’ tau lako Samuel, nakua: Pengkamoyammi te mintu’ taummi lako PUANG, Kapenombammi, kumua da angki mate. Belanna senga’mi tu kasalangki, kirangnganni pole’omi kakadakean, iamotu umpalaku misa’ datu.

1 SAMUEL 8:6

Kadakemi nasa’ding Samuel te kada iate, tonna kuai tu tau iato mai: Benkanni misa’ datu la urrengnge’kanni. Massambayangmi tu Samuel lako PUANG.