1 SAMUEL 12:22 - Sura' Madatu

²² Apa tae’ Natibei PUANG tu taunNa, belanna sanga kapuaNa. Inang Nakaelo’i PUANG umpadadikomi taunNa.

1 SAMUEL 12:22 ပူးပေါင်းရင်းမြစ်များ

1 DATU 6:13

kumua la torroNa’ dio lu to’ to Israel sia tae’ Kula untampei tu to Israel, taungKu.

1 DATU 8:57

Lalasia manii anNa rondongki’ PUANG, Kapenombanta, susitu Ia mangka urrondong nene’ to dolota; sangapaoi upa’ da Natampeki’ sia da Natumpuki’.

2 DATU 14:27

Apa tae’ duka Nama’kada PUANG, kumua la Naputtai tu sanganna to Israel lan nasambo langi’, iamoto Narampananni tu tau iato mai tete dio Yerobeam, anakna Yoas.

2 DATU 21:14

Sia la Kutibe tu taan mana’Ku, tu torronapa, sia la Kusorong tama kuasanna mintu’ ualinna, naurunganni dadi pangrampa sia nasialai mintu’ ualinna.

1 OSSORANNA DATU 28:9

Na iko, e Salomo, anakku, la mutandai tu Kapenombanna ambe’mu sia ponno penaammu sia masorok ba’tengmu la umpengkaolai, belanna Nasudi PUANG tu mintu’ penaa sia Natarru’ tu mintu’ apa ditangnga’, Iake mudaka’I tu Puang, inang la Naelorangko unnappa’I, apa iake muboko’I, la Natibeko sae lakona.

2 OSSORANNA DATU 15:2

Malemi umpessitammui Asa, nama’kada lako nakua: Perangiina’, e Asa, sia mintu’ to Yehuda sia to Benyamin. Narondongkomi PUANG, ke mengkara’pakomi lako Kalena; iake midaka’I, manassa la miappa’; apa iake miboko’i, manassa la Naboko’i dukakomi.

NEHEMIA 9:17

Mengkailing tu tau iato mai ma’perangi sia tae’ nakilalai tu mintu’ tanda mangnga mangka Mipogau’ dio lu tau iato mai sia napabattuk tu penaanna sia unnangka’ misa’ pangulu lan kapabali-balianna la sule lako kakaunananna. Apa Kamumo tu Kapenomban ma’pagarri’ sia maturu-turu, sia mamase sia kalando pesuka’ sia kapua kamasokanamMi sia tae’ Mitampei tu tau iato mai.

PA’PUDIAN 106:8

Apa Nalendokan Puang tete dio sanganNa. Nanii umpa’peissanan kuasanNa,

PA’PUDIAN 94:14

Belanna tae’ anNa la ussuale pala’i PUANG tu taunNa, sia tae’ anNa la untampei tu mana’Na:

KATASSURAN 32:12

Ma’apai na la ma’kada tu to Mesir kumua: Ia sia Nasolanni tassu’ tu tau iato mai, kumua anna sanggang Napatei dio lu to’ buntu sia Nasabu’i dao mai kuli’na padang? Paradanmi tu kare’dekanna ara’Mi sia penassanni tu kasengkean la Miparampoan taunMi.

YESAYA 37:35

Sia la Kurinding pala’ te kota iate, angKu lendokanni, belanna sangangKu sia belanna Daud, taungKu.

YESAYA 41:17

Iatu to mandasa sia to mase-mase, undaka’ uai, apa tae’, marakkekmo tu lilana ma’rang; Akumo tu PUANG, la untananni talinga tu tau iato mai; Akumo Kapenombanna Israel, tae’ angKu la untampe lenni tu tau iato mai.

YESAYA 42:16

AngKu rendenni tu to buta dio lu lalan tang natandai, sia la Kupopa’lingka dio lu batatta tang nalesepa; la Kupopembali masiang tu malillin dio tingayona sia la Kurantean lalan. Mintu’na apa iate, la Kupadadi sia tae’ Kula tang umpogau’i.

YESAYA 43:25

Aku, Akumote tu umpa’dei mintu’ kakadakeammu belanna iamo pa’poraiangKu sia tae’mo Kupalanni penaa tu kasalammu.

YESAYA 43:7

mintu’ tu mai to disa’buran sangangKu, tu mangka Kupadadi la Kupomala’bi’, tu Kutampa sia Kukombong.

YESAYA 48:11

Tu belanna Akuri, ondongpi tu belanna Akuri, angKu pogau’i tu iannato moi umba nakua tu panglangdo; iatu kadipangkerangKu tae’ angKu eloranni lako to senga’.

YESAYA 49:15

Ma’dinraka misa’ baine ungkalupai anak sumusunna, anna tang ungkatirinnai tu anak natibussanan? Kenna la ungkalupai tonganni baine iato mai, manassa tae’ Aku Kukalupaiko.

YESAYA 63:8

Nakuami: TaungKu duka tu tau iato mai, iamo pia tang la mo’rang, nasusito Iamo dadi To parampananna.

YEREMIA 14:21

Da Mitibei sia da Mitang umbilangi tu isungan kapayungan madatumMi, belanna sangamMi. MengkilalaKomi; da Mipokai tu basse tatanan sola.

YEREMIA 14:7

Moi anna iatu kakadakeangki bendan titanan sa’bi unneakan, o PUANG, pogau’i tu iannato diona sangamMi. Belanna tarru’ memboko’mokan, sia lako Kalemi kinii kasalan.

YEREMIA 14:9

Ma’apai amMi susito misa’ to maling sia butung to misa’ pa’barani tu tang nakulle patunduan? LanKomi lu tangngaki, o PUANG, sia iatu sangamMi disa’bu’ lako kaleki, iamoto da Mitampekan.

BATING 5:20

Ma’apai amMi tontong tang ungkilalaikan, sia ma’apai amMi tampe tarru’kan sae lakona?

YEHEZKIEL 20:14

Apa Kupalalomo tu penggaurangKu belanna sangangKu, kumua da nadipamatuna dio pentirona mintu’ bangsa, tu dio pentirona Kunii umpatassu’i tu tau iato mai.

YEHEZKIEL 20:9

Apa Kupalalomo tu penggaurangKu belanna sangangKu, kumua da nadipamatuna dio pentirona mintu’ bangsa, tu nanii torro tau iato mai; dio pentirona tau iato mai Kunii umpapaan Kaleku, belanna Kusolan lan mai tondok Mesir.

MALEAKHI 1:2

Kukaboro’ikomi, kadanNa PUANG. Apa ma’kadakomi mikua: Umbara Mikua umpapayanni tu pa’kaboro’Mi? Tae’raka nasiulu’na Yakub tu Esau? kadanNa PUANG. Moi nasusito, Kukaboro’i tu Yakub,

MATIUS 11:26

O Ambe’, belanna tenmoto tu pa’poraiamMi dio oloMi.

YOHANES 15:16

Tae’ anNa kamu umpileiNa’, sangadinna Akuri tu umpileikomi sia umpamanassakomi, ammi male umpalao bua, sia tontong tu buammi; dikua anna apa-apa tu mipalaku lako Ambe’ umpotete sangangKu, la Napa’kamasean lako kalemi.

ROMA 11:1

Iamoto kukuami: Nasole’moraka Puang Matua tu taunNa? Inang tae’ ia to! Belanna aku te to Israel dukana’, tarukna Abraham, ma’suku dio Benyamin.

ROMA 11:29

Belanna iatu pa’kamaseanNa sia petambaNa Puang Matua tae’ nanii kapenassananNa.

1 KORINTUS 4:7

Belanna mindara umpalosongko? Sia apara tu diona kalemu tu tang di patarimangko? Sia iake mangkami mutarima, ma’apari ammu sattuan kalemu, butung to tang dipatarimaiko?

EFESUS 1:12

Anta dadi kadipudianna kamala’biranNa, tu kitanna dolona urrannuanan Kristus.

EFESUS 1:6

la umpabu’tuanni kadipudian tu kamala’biran pa’kamaseanNa, tu Napa’kamasean lako kaleta lan Pa’kaboro’Na.

PA’TOLE 14:2

Belanna iatu iko misa’ bangsa masero dio PUANG, Kapenombammu, sia iatu iko Natonno’ko PUANG kumua ammu dadi bangsa marimbanganNa Puang dio mai mintu’ bangsa, tu untorroi kuli’na padang.

PA’TOLE 31:17

Allo iato la re’dek ara’Ku unta’pai, angKu boko’i sia Kubunian lindoKu, anna pisan tu tau iato sia buda kamandasan sia kapussakan urrampoi. Allo iato la ma’kada nakua: Tangiaraka napobannang to tu kamandasan urrampoiki’, belanna tae’ tu Kapenombanta tasisolan?

PA’TOLE 31:6

La matoto’komi sia barani, da mimataku’ sia ma’parondo lako tau iato, belanna PUANG, Kapenombammumo, Kalenamo ussolangko; tae’ Nala ussa’biangangko sia tae’ Nala untampeko.

PA’TOLE 31:8

Belanna PUANG Kalenamo la male undoloangko sia Iamo la musisolan. Tae’ Nala ussa’biangangko Puang sia tae’ Nala untampeko; da mumataku’ sia da mutiramban.

PA’TOLE 7:6

Belanna ikomo misa’ bangsa, tu masero dio olona PUANG, Kapenombammu; iatu iko Napileimoko PUANG, Kapenombammu, dio mai mintu’ bangsa dao kuli’na padang la Napotau.

PA’TOLE 9:5

Tangia diona kamaloloammu sia tangia diona bulo lollongmu, ammu alai mupoapa tu tondokna, apa napobua’ katangmekaalukanna Naula’i PUANG, Kapenombammu te bangsa iate dio mai tingayomu sia la umpalanda’i tu kada, Naallu’ PUANG Napalaoi sumpa lako nene’ to dolomu: Abraham, Ishak na Yakub.

FILIPI 1:6

Kukatappa’i te iannate, kumua Puang Matua tu mangka umparanduk misa’ pengkarangan melo dio kalemi, Ia duka la umpasundunni sae lako alloNa Yesu Kristus.

IBRANI 13:5

Toyangangkomi kalemi dio mai umpa’budai doi’, sia posilasanni tu apa denmo dio kalemi; belanna Puang Kalenamo tu mangka ma’kada, kumua: Inang tae’ angKu la ussa’biangangko, sia inang tae’ angKu la untampeko.

YOSUA 7:9

Ianna rangi to Kanaan sia mintu’ to lan tondok iate, manassa la napatama limbukan sia naputtai tu sangangki dao mai kuli’na padang. Na apamora la Mipogauranni tu sanga pasareongamMi?

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;