1 SAMUEL 12:20 - Sura' Madatu

²⁰ Ma’kadami tu Samuel lako to buda, nakua: Da mimataku’; moi ammi pogau’mi te mintu’ kakadakean iate, apa totemo damo mimemboko’ dio mai PUANG, sangadinna la kalebu tu penaammi mengkaola lako PUANG.

1 SAMUEL 12:20 ပူးပေါင်းရင်းမြစ်များ

1 OSSORANNA DATU 28:9

Na iko, e Salomo, anakku, la mutandai tu Kapenombanna ambe’mu sia ponno penaammu sia masorok ba’tengmu la umpengkaolai, belanna Nasudi PUANG tu mintu’ penaa sia Natarru’ tu mintu’ apa ditangnga’, Iake mudaka’I tu Puang, inang la Naelorangko unnappa’I, apa iake muboko’I, la Natibeko sae lakona.

PA’PUDIAN 101:3

Tae’ angku la untangnga’ len penggauran megi’giran; sia kusayu pallan tu penggauranna to sorong boko’. Inang tae’ anna la’ka’ lako kaleku tu iannato.

PA’PUDIAN 125:5

Apa mintu’ to sepang lako lalan kelokna, la Naroto’i nasang PUANG sibaa mintu’ to umpogau’ kakadakean. Sangapaoi anna rampoi kamarampasan to tu Israel!

PA’PUDIAN 40:4

Ia umpabu’tu nanian ba’ru dio pudukku, misa’ pa’pudi-pudian lako Kapenombanta. Buda tau la untiroi tu iannato anna kabangnga’I sia umposande’ PUANG.

KATASSURAN 23:25

La menombakomi lako PUANG, Kapenombammi na Ia la umpasikambi’i kamasakkean tu kandemu sia uaimmu, sia mintu’ saki la Kupatoyang dio mai kalemu.

KATASSURAN 32:30

Iatonna masiangmo dio mai ma’kadami tu Musa lako to buda: Mangkamokomi umpogau’ kasalan kapua; totemo la kendekna’ umpennoloi PUANG, lala siai manii kupadenanni kadiseroian tu kasalammi.

YEREMIA 3:1

(Saemi kadanNa PUANG urrampoina’, nakua): Iake denni misa’ muane untantang bainena, anna male napobainei to senga’, la ma’dinraka tu muane dolona ussulei? Tae’raka nala maruttak tu tondok napobua’? Apa moi muma’gau’ salamo sola buda pa’gau’ sala, la susi bangrokoka to sule lako Kaleku? kadanNa PUANG.

HAGAI 2:5

Apa totemo, pabatta’i tu peanaammu, e Zerubabel, kadanNa PUANG, sia pabatta’i tu penaammu, e Yosua, anakna Yozadak, tominaa kapua, sia pabatta’i tu penaammi, e mintu’ to budanna tondok, kadanNa PUANG, sia mengkarang tarru’komi, belanna Kurondongkomi, kadanNa PUANGna mintu’ ma’dandan maritik,

PA’TOLE 10:12

E to Israel, apara Natuntun PUANG, Kapenombammu, dio mai kalemu, sangadinna la mukasiri’ tu PUANG, Kapenombammu, unturu’i tu mintu’ lalanNa, sia la mukamali’, sia ponno penaammu sia kalebu deatammu umpenombai tu PUANG, Kapenombammu,

PA’TOLE 11:16

Kanandai tu penaammi, da midinaran, miurungan memboko’ sia umpengkaolai kapenomban senga’ sia tukkukomi umpenombai.

PA’TOLE 31:29

Belanna kutandai, kumua, iangku matemo, la umpagau’komi kabulitukan tongan sia sumepangkomi dio mai lalan tu mangka kupepasanan lako kalemi. Iamoto la narampoikomi kasanggangan undinna, ke mipogau’i tu apa kadake dio pentiroNa PUANG sia mipamapa’di’ tu penaanNa diona panggaraga limammi.

YOSUA 23:6

Iamoto la mipabatta’ tongan tu penaammi ungkaritutui sia unturu’i tu mintu’ apa disura’ lan sura’ Sukaran alukna Musa, da misepang lako kanan ba’tu kairi.

1 PETRUS 3:16

sia bannang putekomi, dikua anna diona kanasangammi tau kadake, iamo napomasiri’ to ussayu torro ke’de’ melomi lan Kristus.

1 SAMUEL 12:19

Ma’kadami tu mintu’ tau lako Samuel, nakua: Pengkamoyammi te mintu’ taummi lako PUANG, Kapenombammi, kumua da angki mate. Belanna senga’mi tu kasalangki, kirangnganni pole’omi kakadakean, iamotu umpalaku misa’ datu.