1 SAMUEL 12:18 - Sura' Madatu

¹⁸ Meongli’mi tu Samuel lako PUANG, na allo ia dukato Napasaei PUANG tu guntu’ sia uran, anna mandu mataku’ tu to buda lako PUANG sia lako Samuel.

1 SAMUEL 12:18 ပူးပေါင်းရင်းမြစ်များ

1 DATU 18:42

Malemi tu Ahab kumande sia mangiru’, apa iatu Elia male langngan botto Karmel, anna tukku rokko padang, lan alla’na guntu’na.

EZRA 10:9

Ta’kala sirampunmi tu mintu’ muane to Yehuda sia Benyamin dio Yerusalem lan to tallung allo, iamotu bulan ma’pengkasera, allo ma’penduangpulona bulan iato; unno’ko’mi tu mintu’ tau iato dio lu padang tingayo banuanNa Kapenomban, sipa’parondoan belanna iatu kara-kara iato sia belanna angin bara’.

AYUB 37:13

napoukungan padangNa, sia la Napakitan duka kamasokananNa, anNa papatui patunna.

PA’PUDIAN 99:6

Iatu Musa sola Harun tama bilangan to minaanNa, na iatu Samuel tama bilanganna to umpengkamoyai sanganNa; mintu’i sola nasang pada meongli’ lako PUANG, sia Natanannimo talinga tu tau iato mai.

KATASSURAN 14:31

Attu iato natiro to Israel tu penggauran matoto’ Napogau’ PUANG lako mintu’ to Mesir; anna kataku’i tau iato mai tu PUANG sia napatongan tu PUANG sia iatu Musa, taunNa.

YOSUA 10:12

Attu iato ma’kadami Yosua lako PUANG to allo Nanii PUANG ussorong mintu’ to Amori lako to Israel sia ma’kada dio tingayona to Israel, nakua: E! matanna allo, tadangko dio Gibeon, sia iko e! bulan, diong lombok Ayalon!

YOSUA 4:14

Allo iato Napatarompo’mi PUANG tu Yosua dio pentirona mintu’ to Israel, naurunganni mataku’ tu tau iato mai lako kalena susi kamatakuranna lako Musa lan mintu’ allo katuoanna.