1 SAMUEL 12:17 - Sura' Madatu

¹⁷ Tang pegandunganraka te totemo? La meongli’na’ langngan PUANG, anNa pasae guntu’ sia uran. Ammi issanni sia mitiroi kumua kapua dio oloNa PUANG tu kakadakean mipogau’, iamotu umpalakuangkomi kalemi misa’ datu.

1 SAMUEL 12:17 ပူးပေါင်းရင်းမြစ်များ

PA’PUDIAN 99:6

Iatu Musa sola Harun tama bilangan to minaanNa, na iatu Samuel tama bilanganna to umpengkamoyai sanganNa; mintu’i sola nasang pada meongli’ lako PUANG, sia Natanannimo talinga tu tau iato mai.

KATASSURAN 32:30

Iatonna masiangmo dio mai ma’kadami tu Musa lako to buda: Mangkamokomi umpogau’ kasalan kapua; totemo la kendekna’ umpennoloi PUANG, lala siai manii kupadenanni kadiseroian tu kasalammi.

SARAMBU PEADA’ 26:1

Susi ambun makko ke pealloanni, sia uran ke pegandunganni, susi dukato tu kadipangkeran lako tobaga.

YEREMIA 15:1

Apa Nakua PUANG lako kaleku: Moi anna Musa sola Samuel bendan dio oloKu, tae’ duka nala unnalai penaangKu te bangsa iate; papallai tu tau iato mai dio mai oloKu, suai male.

YOSUA 10:12

Attu iato ma’kadami Yosua lako PUANG to allo Nanii PUANG ussorong mintu’ to Amori lako to Israel sia ma’kada dio tingayona to Israel, nakua: E! matanna allo, tadangko dio Gibeon, sia iko e! bulan, diong lombok Ayalon!

1 SAMUEL 12:13

Totemo tiromi tu datu, tu mitonno’ sia mipalaku. Tonganna Naangkarammokomi PUANG misa’ datu tu umparentakomi.

1 SAMUEL 12:19

Ma’kadami tu mintu’ tau lako Samuel, nakua: Pengkamoyammi te mintu’ taummi lako PUANG, Kapenombammi, kumua da angki mate. Belanna senga’mi tu kasalangki, kirangnganni pole’omi kakadakean, iamotu umpalaku misa’ datu.

1 SAMUEL 2:10

Minda-minda sigaga PUANG, la disanggang; la gumaluntu’ tu Puang lako kalena dao mai langi’. PUANG umpaolai salu tu mintu’ randan langi’, Ia la ungkamaseanni kamawatangan tu datunNa, sia la umpataranggai tandukna tu to Natokko.

1 SAMUEL 7:5

Mangkato nakuami Samuel: Rampunni tu mintu’ to Israel lako Mizpa, angku pengkamoyangkomi lako PUANG.

1 SAMUEL 8:6

Kadakemi nasa’ding Samuel te kada iate, tonna kuai tu tau iato mai: Benkanni misa’ datu la urrengnge’kanni. Massambayangmi tu Samuel lako PUANG.

1 SAMUEL 8:7

Ma’kadami tu PUANG lako Samuel Nakua: Tarimai tu apa napalaku te bangsa iate lako kalemu, belanna tae’ na iko tu natumpu, sangadinna Aku, kumua da’mo angKu datui.