1 SAMUEL 12:12 - Sura' Madatu

¹² Iatommi tiroi tu Nahas, datu to Amon sae ullaoikomi, ma’kadakomi lako kaleku, mikua: Moi umba nakua, inang la den misa’ tu datu umparentakan; anna inang PUANG, Kapenombammi, tu datummi.

1 SAMUEL 12:12 ပူးပေါင်းရင်းမြစ်များ

KADADIAN 17:7

La Kutanan tu basseKu lan tangngata sia lako bati’ siosso’mu undinna, iamotu misa’ basse matontongan, kumua Aku tu mupoKapenomban sia napoKapenomban mintu’ bati’mu undinna.

PA’PUDIAN 74:12

Apa iatu Puang Matua iamo Datungku tempon dio mai, tu umpabu’tu kadilendokan lan te lino.

YESAYA 33:22

Belanna PUANG tu To ma’paolainta salu, PUANG, tu To umbenki’ parenta, PUANG tu Datunta, sia Ia dukamo tu ungkaritutuiki’.

YEREMIA 40:11

Iatonna rangimi mintu’ to Yehuda, tu dio lu tondok Moab sia dio lu to Amon sia dio Edom sia lan lu mintu’ tondok senga’, kumua iatu datu Babel untampemo ba’tu pira-pira tau dio Yehuda sia naangka’mo tu Gedalya, anakna Ahikam, anakna Safan, la umparentai tu tau iato mai,

HOSEA 13:10

Umbamira tu datummu, tu la urrampanangko lan mintu’ kotamu, sia umbamira tu to ma’parentamu – e iko tu mangka ma’kada kumua: Benna’ misa’ datu sia ba’tu pira-pira arung.

KADIBILANGAN 23:21

Tae’ napenunui tau tu kamandasan dio lu Yakub, sia tae’ natiroi tu kasanggangan dio lu Israel. Iatu PUANG, Kapenombanna, urrondongi, sia arrakna to untendeng Datu den dio lu tau iato mai.

TO PARENGNGE’ 8:23

Mebalimi tu Gideon lako tau iato mai, nakua: Tangia aku la umpuangikomi sia tangia duka anakku, sangadinna PUANG Ia tu la umpuangikomi.

TO PARENGNGE’ 9:18

Apa iate kamu totemo pabali-balimokomi lako bati’na ambe’ku sia mipatei tu mintu’ anakna muane pitungpulo dao misa’ batu, ammi angka’i tu Abimelekh, anak kaunanna ambe’ku la undatui to Sikhem, belanna siulu’komi, –

1 SAMUEL 10:19

Apa totemo miboko’imo tu Kapenombammi, tu mangka urrampanangkomi lan mai kamaparrisan sia ma’kadakomi, mikua: Moi umba nakua, inang la miangkarangkan misa’ datu. Iamoto, maimokomi mennolo lako PUANG situru’ bilanganna sukummi sia pa’rapuammi.

1 SAMUEL 8:3

Apa iatu anakna tae’ naturu’ bate lalanna ambe’na, sangadinna ungkabudai kamanengkengan, ungkande pappe’ sia ulleko’ katonganan.