1 SAMUEL 12:11 - Sura' Madatu

¹¹ Nasuami PUANG tu Yerubaal sia Barak sia Yefta sia Samuel, ullendokangkomi lan mai limanna mintu’ ualimmi tiku lao, miurunganni torro marampa’.

1 SAMUEL 12:11 ပူးပေါင်းရင်းမြစ်များ

2 DATU 13:5

Nakamaseimi PUANG tu to Israel misa’ tau urrampananni, naurungan tau iato mai tilendok dio mai kuasanna to Aram, anna pada untorroi tendana sule tu to Israel susi dolona.

1 OSSORANNA DATU 7:17

Iatu anakna muane Ulam iamotu Bedan. Iamotu tu bati’na Gilead, anakna Makhir anakna Manasye.

TO PARENGNGE’ 4:6

Mesuami untambai Barak, anakna muane Abinoam dio mai Kedesh lan lili’na Naftali, anna ma’kada lako, nakua: Tae’raka Napasan PUANG, Kapenombanna to Israel, kumua: maleko langngan buntu Tabor, musolanni tu sangpulo sa’bunna to Naftali sia to Zebulon.

TO PARENGNGE’ 6:14

Attu iato messailemi tu PUANG Nama’kada lako, Nakua: Ke’de’moko situang te kamatotorammu, ammu rampananni tu to Israel lan mai limanna to Midian. Tangiaraka Aku te ussuako?

TO PARENGNGE’ 6:31

Apa nakua tu Yoas lako tu mintu’ to bendan sikandappi’ dio: La misanda tonganniraka tu Baal? Ba’tu la mitunduiraka? Minda-minda ussanda tonganni, la dipatei te melambi’ iate. Iake tongannai ia misa’ deata, da’ito natonganan kalenai tu kalena, belanna narondonnimo tau tu inan pemalaranna.

TO PARENGNGE’ 6:32

Allo iato iatu Gideon nasangaimi tau Yerubaal, belanna ma’kada tu tau nakua: Da’ito na Baalmora nasikara-karan, belanna narondonnimo tu inan pemalaranna.

TO PARENGNGE’ 7:1

Iatu Yerubaal, iamotu Gideon, millik kale’ sola mintu’ surodadu nasolan, anna ma’tenda sikandappi’ kalimbuang Harod; iatu naninna ma’tenda to Midian daanna lu inanna Gideon, sikandappi’ tanete More, diong lombok.

TO PARENGNGE’ 8:29

Sulemi tu Yerubaal, anakna Yoas, anna torro lan banuanna.

TO PARENGNGE’ 8:35

sia tae’ napabala’i kamamasean tu to lan banuanna Yerubaal – Gideon sitinaya mintu’ kameloan tu na pogauran to Israel.

1 SAMUEL 3:20

Sia mintu’ to Israel randuk dio mai Dan sae lako Bersyeba unnissanni, kumua iatu Samuel nabi manappa’Na PUANG.

1 SAMUEL 7:13

Susimoto tu diona to Filistin ditalo sia tae’mo natama lili’ padangna to Israel; anna limanNa PUANG unnea to Filistin lan mintu’ allo katuoanna Samuel.