1 SAMUEL 11:2 - Sura' Madatu

² Apa ma’kada tu Nahas, to Amon lako, nakua: Misa’ri kutuntun ke la sibasseki’, iamotu mata kananmi la kusu’be’i nasang; susimoto la kunii untodingi siri’ tu mintu’ to Israel.

1 SAMUEL 11:2 ပူးပေါင်းရင်းမြစ်များ

KADADIAN 34:14

Ma’kadami lako nakua: Tae’ kima’din umpogau’i susinnato, la umpa’ben siulu’ki lako to tang ma’sunna’, belanna kipomasiri’.

2 DATU 18:31

Da miperangii tu kadanna Hizkia, belanna nakua kadanna datu to Asyur: Menombakomi sia ussorongkomi kalemi lako kaleku, ammi pantan ungkandei tu bua anggoro’mi sia bua arami sia pantan unniru’ uai lan mai bubunmi.

PA’PUDIAN 44:13

Mibalukan maraa bang tu taumMi, sia tae’ Miposugi’i tu allinna.

KATASSURAN 3:6

Sia Nakua dukapa: Akumote tu Kapenombanna ambe’mu, iamotu Kapenombanna Abraham sia Kapenombanna Ishak sia Kapenombanna Yakub. Nabungku’mi Musa tu lindona, belanna mataku’ untiro Puang Matua.

SARAMBU PEADA’ 12:10

Iatu to malambu’ umpalan penaa katuoan patuoanna, apa iatu kamamaseanna to tang mekaaluk makarra’ tongan.

YEREMIA 39:7

Sia nasu’be’i patomali tu matanna Zedekia, anna pungoi rante tambaga da’dua, la nabaa lako Babel.

KADIBILANGAN 16:14

Inang tae’ misolangkanni tama misa’ tondok tu sebo pangandu’ sia tani’ enoan sia tae’ duka pa’lak sia pa’lak anggoro’ mibenkan la kipomana’? Misangaraka iatu matanna te tau ma’din mipabuta? Tae’ kila lao.

TO PARENGNGE’ 16:21

Natingkanmi to Filistin, nasu’be’i patomalii tu matanna, anna solanni lako Gaza, napungoi da’dua rante tambaga, sia diparuku unggirikki tu batu pangrissoan lan pa’tarungkuan.

1 SAMUEL 11:10

Ma’kadami tu to Yabesy, nakua: Masiang angki tassu’ ussorong kaleki lako kalemi, ammi pogau’i lako kaleki tu misanganna melo.

1 SAMUEL 12:12

Iatommi tiroi tu Nahas, datu to Amon sae ullaoikomi, ma’kadakomi lako kaleku, mikua: Moi umba nakua, inang la den misa’ tu datu umparentakan; anna inang PUANG, Kapenombammi, tu datummi.

1 SAMUEL 17:26

Ma’kadami tu Daud lako tu to nasikandappiran bendan, nakua: La dipatumbai tu to umpatei tu to Filistin iato dio, sia tu ussamboi siri’na to Israel? Na minda toda ia tu to Filistin tang disunna’i tu, anna unnape tuntunan surodadunNa Puang Matua matontongan?