1 SAMUEL 11:15 - Sura' Madatu

¹⁵ Male nasangmi tu bangsa iato lako Gilgal unnangka’ Saul dadi datu dio oloNa PUANG dio Gilgal sia napemalaran inde to tu pemala’ kasalamaran dio oloNa PUANG; parannu-rannumi tu Saul inde to dio sola mintu’ to Israel lendu’ marua’na.

1 SAMUEL 11:15 ပူးပေါင်းရင်းမြစ်များ

2 SAMUEL 19:15

Ta’kala sulemi tu datu anna rampo lako Yordan. Saemi tu mintu’ to Yehuda lako Gilgal untammui datu, la unnanta’i ullamban Yordan.

KATASSURAN 24:5

Nasuami tu ba’tu pira to mangura to Israel, umposara’i tu pemala’ ditunu pu’pu sia umpemalaran sapi laki napopemala’ kasalamaran lako PUANG.

YAKOBUS 4:16

Apa totemo massattuangkomi diona kamatampoammi ma’kada; mintu’na passattuan susito kadake.

1 SAMUEL 10:17

Mangkato natambaimi Samuel tu mintu’ tau sirampun lako PUANG dio Mizpa,

1 SAMUEL 10:24

Ma’kadami tu Samuel lako mintu’ tau, nakua: Mitiromoraka tu to Natonno’ PUANG, belanna moi misa’ tau tae’ padanna lan te mintu’ tau. Unnarrak-arrakmi tu mintu’ tau, nakua: La maupa’ tu datu!

1 SAMUEL 10:8

La doloko rokko Gilgal, sia manassa la malena’ rokko umpessitammuiko, la umpemalaran pemala’ ditunu pu’pu’ sia untunu pemala’ kasalamaran. Ammu kampaina’ diong pitung allo sae lako rampoku umpokadangko tu apa sipatu la mupogau’.

1 SAMUEL 12:1

Ma’kadami tu Samuel lako mintu’ to Israel, nakua: Manassa kuperangii nasangmo tu mipokadanna lako kaleku sia kutokkoammokomi misa’ datu.

1 SAMUEL 12:17

Tang pegandunganraka te totemo? La meongli’na’ langngan PUANG, anNa pasae guntu’ sia uran. Ammi issanni sia mitiroi kumua kapua dio oloNa PUANG tu kakadakean mipogau’, iamotu umpalakuangkomi kalemi misa’ datu.

1 SAMUEL 8:19

Apa manoka tu tau umperangii tu kadanna Samuel, sangadinna nakua: Moi umba nakua, inang la den tu datungki.