1 SAMUEL 11:14 - Sura' Madatu

¹⁴ Sia nakuapa Samuel lako to buda: Maikomi, melo ke maleki’ lako Gilgal, anta ba’rui tu kadatuan dio.

1 SAMUEL 11:14 ပူးပေါင်းရင်းမြစ်များ

2 SAMUEL 19:15

Ta’kala sulemi tu datu anna rampo lako Yordan. Saemi tu mintu’ to Yehuda lako Gilgal untammui datu, la unnanta’i ullamban Yordan.

AMOS 5:5

Apa da midaka’ Betel, sia da mimale lako Gilgal, sia da mike’de lako Bersyeba. Belanna iatu Gilgal inang la male dipali’ sia iatu Betel la diputtai.

1 SAMUEL 10:8

La doloko rokko Gilgal, sia manassa la malena’ rokko umpessitammuiko, la umpemalaran pemala’ ditunu pu’pu’ sia untunu pemala’ kasalamaran. Ammu kampaina’ diong pitung allo sae lako rampoku umpokadangko tu apa sipatu la mupogau’.

1 SAMUEL 12:1

Ma’kadami tu Samuel lako mintu’ to Israel, nakua: Manassa kuperangii nasangmo tu mipokadanna lako kaleku sia kutokkoammokomi misa’ datu.

1 SAMUEL 5:3

Apa iatonna melambi’ dio mai namillik tu to Asdod, natiromi tu Dagon songkamo tipessussuk tu lindona rokko padang dio olona pattinNa PUANG. Naangka’mi tu Dagon, napabendan pole’i dio inanna.

1 SAMUEL 7:16

Taunoi-taunoi maleoi tu Samuel ullelei tondok randuk dio mai Betel sae lako Gilgal sia Mizpa, sia dio mintu’ tondok iato nanii ullembanganni tu toean to parengnge’ lako to Israel.