1 SAMUEL 10:9 - Sura' Madatu

⁹ Mane memboko’ la untampe Samuel, Napopembalimi PUANG Matua tu penaanna, sia mintu’ tanda iato dadimo tonna allo ia dukato.

1 SAMUEL 10:9 ပူးပေါင်းရင်းမြစ်များ

YEHEZKIEL 36:26

La Kubenkomi penaa ba’ru sia la Kupatamai sumanga’ ba’ru tu ba’tengmi; na iatu penaa batu la Kualai dio mai kalemi, angKu benkomi penaa duku’.

MARKUS 14:16

Malemi tinde anak gurunNa narampo tama kota, nakabu’tui susitu Napokadanni, napasakka’i tu Pa’pasa.

TO PARENGNGE’ 6:21

Attu iato Naangka’mi Malaeka’Na PUANG tu tekken, narumbumi tampak tekken tu duku’ sia roti tang diragii; natassu’ tu api lan mai buntu batu, napura ungkandei tu duku’ sola roti tang diragii. Mangkato ta’demi tu Malaeka’Na PUANG natiro.

TO PARENGNGE’ 7:11

perangii tu apa napokada; mangkato la dipamawatangko, ammu tama ullaoi tu to’ tenda surodadu. Attu iato malemi rokko sola Pura, taunna, sae lako to’ pa’kampan salianna to parari lan to’ tenda surodadu iato.

1 SAMUEL 16:13

Naalami Samuel tu tanduk nanii minna’, anna bolloi lan tangngana mintu’ siulu’na. Natamaimi PenaanNa PUANG tu Daud randuk allo iato anNa tontong dio kalena. Mangkato ke’de’mi tu Samuel anna sule lako Rama.

1 SAMUEL 2:35

La Kupadenan Kaleku tu misa’ to minaa manappa’ sia iamo la umpogau’i tu apa lan penaangKu sia lan tangnga’Ku; Aku la umpabendananni misa’ banua matontongan sia tontong la lolang dio olona to Kutokko.