1 SAMUEL 10:6 - Sura' Madatu

⁶ La Narampoiko PenaanNa PUANG, anna tiakka’ penaammu ma’nubua’ sola tau iato mai sia la dipopendadiko to makalaen-laen.

1 SAMUEL 10:6 ပူးပေါင်းရင်းမြစ်များ

KADIBILANGAN 11:17

La songlo’Na’ sia la sipa’kadaki’ inde to dio, angKu alai pira tu Penaa ta’pa dio kalemu, angKu patorroi dao tau iato mai, kumua ammi tanggungi sola tu tanggunganna bangsa iate, da naiko manna misa-misa untanggungi.

KADIBILANGAN 11:25

Songlo’mi tu PUANG lan gaun, anNa ma’kada lako Musa sia Naala PUANG tu Penaa pira ta’pa dio Musa, anNa patorroi dao tu tau pitungpulo iamotu pekaamberan. IatonNa torromo dao tu Penaa, ma’nubua’mi tu tau iato, apa undinna to tae’mo.

KADIBILANGAN 11:26

Apa da’dua tau torro dio to’ tenda, misa’ disanga Eldad na misa’ disanga Medad. IatonNa ta’paimi Penaa – belanna naala bilangan dio mai to disura’ sanganna, apa tae’ namale lako Tenda Kasitammuan – ma’nubua’mi dio to’ tenda.

KADIBILANGAN 11:29

Apa ma’kada tu Musa lako nakua: Mubirisan maro’ra umpoissan apangku? Dennoupa’ na iatu mintu’ taunNa PUANG mendadi nabi, belanna PUANG ungkamasei Penaanna ta’pa dao lu tau iato!

MATIUS 7:22

Iapi to allo iato anna buda tau ma’kada lako Kaleku kumua: O Puang, o Puang!, tang tete dioraka sangamMi angki mangada’i, sia tete dio sangamMi angki rambai deata bulituk sia tete dio sangamMi, angki pogau’ buda tanda mangnga?

TO PARENGNGE’ 14:6

Apa Narampoi PenaanNa PUANG, naurungan ussapekki tu singa, susito ussapek anak bembe’ laki, moi natae’ bang apa lan limanna. Apa tae’ napaissanni ambe’na sia indo’na tu apa mangka napogau’.

TO PARENGNGE’ 15:14

Iatonna rampo Simson lako Lehi unnarrak-arrakmi tu to Filistin sae untammui; pakalan Narampoimi PenaanNa PUANG, anna mintu’ tu ulang lan lengo-lengona tenmoto batang rami nakande api sia iatu pepungona sisane’buan tilossok lan mai limanna.

TO PARENGNGE’ 3:10

Narampoimi PenaanNa PUANG tu Otniel, iamoto narengnge’i tu to Israel, anna tassu’ parari. Nasorongmi PUANG tu Kusyan-Risyataim, datu Aram, tama limanna, naurungan ussau’i tu Kusyan-Risyataim.

1 SAMUEL 10:10

Iatonna rampomo sola duai lako Gibea, natammuimi kasirampunan nabi. Anna rampoi penaanNa Puang Matua, naurunganni tiakka’ penaanna ma’nubua’ dio lu tau iato mai.

1 SAMUEL 10:9

Mane memboko’ la untampe Samuel, Napopembalimi PUANG Matua tu penaanna, sia mintu’ tanda iato dadimo tonna allo ia dukato.

1 SAMUEL 11:6

Tonna rangimi Saul tu kada iato, narampoimi PenaanNa Puang Matua sia re’dek tu ara’na.

1 SAMUEL 16:13

Naalami Samuel tu tanduk nanii minna’, anna bolloi lan tangngana mintu’ siulu’na. Natamaimi PenaanNa PUANG tu Daud randuk allo iato anNa tontong dio kalena. Mangkato ke’de’mi tu Samuel anna sule lako Rama.

1 SAMUEL 19:20

Nasuami Saul tu ba’tu pira-pira tau male unnala Daud dio mai. Iatonna rampomo tu tau iato mai, natiromi tu kasirampunan nabi, marassan tiakka’ penaanna ma’nubua’, na Samuel bendan umpangului. Narampoimi PenaanNa Puang Matua tu mintu’ pesuanna Saul, naurungan tau iato mai tiakka’ duka penaanna ma’nubua’.