1 SAMUEL 10:5 - Sura' Madatu

⁵ Mangkato la rampoko lako GibeaNa Puang Matua, tu nanii pa’kampan to Filistin. Iake tamako kota, ta’pa la sitammuko sangtuntunan nabi solo’ dao mai inan madao nadoloan to sibaa dandi sia ganda’-ganda’ sia suling sia su’dekan, anna tiakka’ penaanna ma’nubua’.

1 SAMUEL 10:5 ပူးပေါင်းရင်းမြစ်များ

1 DATU 18:29

Iatonna lendu’ ma’tangngamo allo, marukkami kandeatan sae lako attu dinii memala’ bongi, apa tae’ tu gamara, sia moi misa’ tau tae’ duka mebali ba’tu umpalanni penaa.

2 DATU 2:15

Iatonna tiromi mintu’ passikola nabi dio Yerikho, tu bendan mambela, nakuami: Manassa iatu penaanna Elia diomo Elisa. Saemi tu tau iato mai umpessitammui Elisa, anna tukku rokko padang menomba dio olona.

2 DATU 2:3

Attu iato tassu’mi tu mintu’ passikola nabi, tu torro dio Betel, lako Elisa sia mekutana lako nakua: Miissan siaraka, kumua allo iate la Naangka’ PUANG tu puangmi dao mai ulummi? Mebali nakua: Kuissan duka sia; kappakomi.

2 DATU 2:5

Attu iato saemi tu mintu’ passikola nabi dio Yerikho lako Elisa sia mekutana lako nakua: Miissan sia raka, kumua allo iate la Naangka’ PUANG tu puangmi dao mai ulummi? Mebali nakua: Kuissan duka sia; kappakomi.

2 DATU 2:7

Limangpuloi dio mai mintu’ passikola nabi male duka, anna bendan mambela dio mai tau iato mai, tonna bendan sola duai dio biring Yordan.

2 DATU 3:15

Totemo suami mai tu misa’ pa’katapi. Iatonna umpannoni katapinna tu pa’katapi, narampoimi kamatotoranna limanNa PUANG tu Elisa.

2 DATU 4:38

Undinnato sulemi tu Elisa lako Gilgal, tonna karorian lan tondok iato. Iatonna marassan tu mintu’ passikola nabi unno’ko’ dio tingayona, ma’kadami lako taunna nakua: Patonangngi tu kurin kapua, ammu tolloranni utan tu mai passikola nabi.

2 DATU 6:1

Den pissan ma’kadami tu passikola nabi lako Elisa nakua: Tiromi tu inan dio tingayomi tu kinii torro, tarru’ si’pi’kan.

1 OSSORANNA DATU 11:16

Attu iato iatu Daud lan tambakuku, na attu ia dukato iatu pa’kampan surodadu to Filistin dio Betlehem.

1 OSSORANNA DATU 13:8

Iatu Daud sola mintu’ to Israel ma’marua’-rua’ tongan unnondo dio oloNa Puang Matua napasiala nanian sia to umpannoni katapi, dandi, ganda’-ganda’, taa’-taa’ sia tarompe’.

1 OSSORANNA DATU 16:42

Iatu Heman na Yedutun umbaa tarompe’ sia taa’-taa’ la napake to umpannoni sia oni-onian la unggamarai penanian umpangke’ Puang Matua. Na iatu bati’na Yedutun iamo ungkampai babangan.

1 OSSORANNA DATU 16:5

Iatu Asaf iamo pangulunna, nadampi’i Zakharia; sia Yeiel, Semiramot, Yehiel, Matica, Eliab, Benaya, Obed-Edom na Yeiel umpannoni oni-onian, iamotu ma’dandi sia ma’katapi,

PA’PUDIAN 49:4

Kakinaan manna sun dio randan pudukku, sia kapaissanan manna natangnga’ ba’tengku.

PA’PUDIAN 92:3

Melo ke napa’peissananni ke melambi’ tu kamasokanamMi, sia napa’peissanan ke bongi tu kamarurusamMi.

1 KORINTUS 14:1

Ula’komi pa’kaboro’ sia pengkali- kalii unnampa’ pa’kamaseanNa Penaa, apa ontongpi kumua ammi ma’nubua’.

1 SAMUEL 10:10

Iatonna rampomo sola duai lako Gibea, natammuimi kasirampunan nabi. Anna rampoi penaanNa Puang Matua, naurunganni tiakka’ penaanna ma’nubua’ dio lu tau iato mai.

1 SAMUEL 10:4

Sia la napekutanan tau iato mai tu kamalaga’-laga’rammu sia la nabenko roti da’dua; la mutarima tu apa iato dio mai kalena.

1 SAMUEL 13:2

napileiammi Saul kalena tallungsa’bu tau dio mai to Israel; duangsa’bu tu sola Saul dio Mikhmas sia dao buntu Betel na sangsa’bu sola Yonatan dio Gibea lan lili’ Benyamin; na iatu senga’na nasua sule lako tendana.

1 SAMUEL 13:3

Nataloimi Yonatan tu surodadu pa’kampana to Filistin dio Geba; narangimi to Filistin tu mintu’ apa iato. Attu iato napesuammi Saul umpannoni napiri tanduk dio lu mintu’ lili’ tondok, nakua: La narangi mintu’ to Ibrani.

1 SAMUEL 19:20

Nasuami Saul tu ba’tu pira-pira tau male unnala Daud dio mai. Iatonna rampomo tu tau iato mai, natiromi tu kasirampunan nabi, marassan tiakka’ penaanna ma’nubua’, na Samuel bendan umpangului. Narampoimi PenaanNa Puang Matua tu mintu’ pesuanna Saul, naurungan tau iato mai tiakka’ duka penaanna ma’nubua’.

1 SAMUEL 9:12

Mebalimi tu tau iato mai, nakua: Den, tiromi nato dio, dio tingayomi; melo ke madoi’-doi’komi, apa allo ia duka te rampomo tama kota, belanna allo iate umpogau’ pa’maruasan tu pa’tondokan dao tu inan madao.