1 SAMUEL 10:3 - Sura' Madatu

³ Iammi lendu’imito, la rampokomi lako to’ kayu tarpin dio Tabor, ammu sitammu muane tallu inde to dio, tu ma’palulangngan Betel la menomba lako Puang Matua, misa’ umbaa bembe’ bitti’ tallu, misa’ umbaa roti tallu na misa’ umbaa kariba’ nanii uai anggoro’.

1 SAMUEL 10:3 ပူးပေါင်းရင်းမြစ်များ

KADADIAN 28:19

Nasangaimi Betel tu inan iato, apa iatu sanga dolona tondok iato, disanga Lus.

KADADIAN 28:22

Iate batu tu kupabendan la dadi misa’ tanda dianna batu silambi’ iato, mendadi banuanNa Puang Matua, angku penombangKomi sangtaa sangpulona tu mintu’ barang apa Mikamaseanna’.

KADADIAN 35:1

Ma’kadami Puang Matua lako Yakub Nakua: Ke’de’ko male sau’ Betel, ammu torro dio sia garagai dio tu misa’ inan pemalaran lako to Kapenomban umpa’pekitanan Kalena lako kalemu tommu mallai dio mai Esau, kakammu!

KADADIAN 35:3

Maikomi tamale sau’ Betel, belanna la unggaragana’ misa’ inan pemalaran lako tu Kapenomban untandingina’ talinga tonna lambi’na’ kamaparrisan sia urrondongna’ dio lu lalan kuolai.

PA’PUDIAN 89:12

Kamumo puangna langi’ sia Kamu duka puangna lipu daenan; iatu lino sola mintu’ issinna, Kamumo unnotonni tu parandanganna.

YEREMIA 32:8

Saemi tu Hanameel, anakna pa’amberangku, susitu kadanNa PUANG, ussitammuanna’ tama tarampak pa’kampan anna ma’kada lako kaleku nakua: Allii tu pa’lakku dio Anatot dio tana Benyamin, belanna den kuasa mana’ dio kalemu sia den duka kuasa pangla’bak dio kalemu, iko unallii. Attu iato kuissanmo kumua iate kada iate kadanNa PUANG.

SURA’ KATOMINAAN 1:10

Iatu pemala’na, ke patuoan bitti’ susi domba sia bembe’ la dipopemala’ ditunu pu’pu’, la napopennolo tu lakinna tu tae’ tattanna.

SURA’ KATOMINAAN 23:13

sisola kande dipemalaran, iamotu ta’pung manisak duang taan sangpulona dipasigerok minna’, la dipopemala’ pantunu, la Napobau busarungngu’ PUANG, situang uai anggoro’ taa penna’pa’na misa’ hin dipopemala’ pantedok.

SURA’ KATOMINAAN 3:12

Iatu pemala’na ke misa’i bembe’ birang, la napennoloan dio oloNa PUANG;

SURA’ KATOMINAAN 3:6

Iatu pemala’na, ke misa’ domba ba’tu bembe’ napopemala’ kasalamaran lako PUANG, la napennoloan tu misa’ patuoan tae’ tattanna, iamotu lakinna ba’tu birangna.

SURA’ KATOMINAAN 7:13

La napennoloan tu pemala’na sisola ba’tu pira-pira pa’ranggina ta’pung diragii digaragai, situang tu pemala’ pa’pudian dipopemala’ kasalamaranna.

YOSUA 19:12

Sule dio mai Sarid natarru’ lako matallo urrundu’ lili’na Kislot-Tabor, natassu’ dio Dobrat, namane male langngan Yafia.

YOSUA 19:22

Iatu anggenna tu’tun sae lako Tabor, Sahazima na Bet-Semes; iatu tampak katonanna iamotu Yordan. Mintu’na to sangpulo annan kota sola kampongna.

TO PARENGNGE’ 20:18

Ke’de’ nasangmi tu mintu’ to Israel lako Betel, tu nanii mekutana lako Puang Matua, nakua: Mindannarakanni la male dolo sirari to Benyamin? Mebalimi tu PUANG Nakua: Yehuda dolo.

TO PARENGNGE’ 20:23

Malemi tu to Israel, anna tumangi’ dio oloNa PUANG sae lako makaroenna, anna mekutana lako PUANG nakua: Ma’dinra’ka la male pole’ sirari bati’na Benyamin, siulu’ku? Nakuami PUANG: Ke’de’mokomi urrarii.

TO PARENGNGE’ 20:27

Mekutanami tu to Israel lako PUANG, belanna allo iato inde to dio tu patti basseNa Puang Matua,

TO PARENGNGE’ 4:12

Napokadami tau lako Sisera, kumua iatu Barak, anakna Abinoam, malemo langngan buntu Tabor.

TO PARENGNGE’ 4:6

Mesuami untambai Barak, anakna muane Abinoam dio mai Kedesh lan lili’na Naftali, anna ma’kada lako, nakua: Tae’raka Napasan PUANG, Kapenombanna to Israel, kumua: maleko langngan buntu Tabor, musolanni tu sangpulo sa’bunna to Naftali sia to Zebulon.

TO PARENGNGE’ 8:18

Undinnato ma’kadami lako Zebah sola Salmuna, nakua: Umbamira tu to mangka mipatei dao Tabor? Mebalimi nakua: Susikomi, iatu pa’kaleanna, ke misa’oi susito misa’ anak datu.

1 SAMUEL 10:4

Sia la napekutanan tau iato mai tu kamalaga’-laga’rammu sia la nabenko roti da’dua; la mutarima tu apa iato dio mai kalena.