1 SAMUEL 10:27 - Sura' Madatu

²⁷ Apa den tu ba’tu pira to bulituk ma’kada, nakua: Umba nakua la urrampanangki’ te? Sia napamatuna tau iato mai sia tae’ nama’kasian lako kalena, apa nakappai bang Saul tu iannato.

1 SAMUEL 10:27 ပူးပေါင်းရင်းမြစ်များ

2 SAMUEL 20:1

Sirupangmi den dio tu misa’ to bulituk, disanga Seba, anakna Bikri, to Benyamin, umpannonimi napiri tanduk anna ma’kada nakua: Iatu kita tae’ tasangbilangan tu Daud, sia tae’ tasangmana’ tu anakna Isai; e to Israel pada sulemokomi lako tendami.

2 SAMUEL 8:2

Sia natalo duka tu to Moab, sia nasua mamma’ tungara diong padang, nasuka’i ulang; iake naalaoi ulang pesuka’ sipenduan, iamo dipatei, na iatu ganna’na sipissan ulang pesuka’, iamo dipatuo. Susimoto tu to Moab mengkanorong lako Daud sia umbaya’ sima.

1 DATU 10:25

Pantan umbaami pamenganna, iamotu oongan salaka sia bulaan, pakean, pa’buno, pebangki’, darang sia bagala’, ke taunnoi.

1 DATU 4:21

Iatu datu Salomo umparenta mintu’ kadatuan randuk dio mai salu Efrat sae lako tondok to Filistin, landa’ lako lili’na Mesir; iatu tau iato mai ma’kasian sia mengkaola lako Salomo lan mintu’ allo katuoanna.

1 DATU 5:1

Nasuami Hiram, datu Tirus tu pesuanna lako Salomo, belanna narangi, kumua iatu Salomo ditokko mendadi datu la ussonda ambe’na, belanna iatu Hiram tontong sisangmane karra’ Daud.

2 OSSORANNA DATU 13:7

Sirampunmi dio tu ba’tu pira-pira to tae’ gai’na sia to bulituk, tu ussau’ Rehabeam, anakna Salomo, tonna mangurapa tu Rehabeam sia malamma’pa penaanna, naurungan tang nakullepa unneai tu tau iato mai.

2 OSSORANNA DATU 17:5

Napamanda’mi PUANG tu kuasa kadatuan lan limanna Yosafat, na iatu mintu’ to Yehuda pada sae umpennoloan pamengan lako Yosafat, naurunganni sugi’ lallang sia mala’bi’ tongan.

PA’PUDIAN 38:13

Iatu to la ungka’tu sunga’ku natanannina’ poya, sia iatu to undakaranna’ kasanggangan umbisara la kuposabu’na, sia untannun tangnga’ kadake kiallo-kiallo.

PA’PUDIAN 72:10

Sangapaoi anna mintu’ datu Tarsis sia datunna tu mai lebukan la umpennoloan pamenganna, sia mintu’ datu Syeba sia Seba la umpakendek pa’kasianna.

TOMANGADA’ 7:21

Da duka mupalan penaai tu mintu’na napokada tau, kumua da murangii tu taummu kalena unggataiko.

YESAYA 36:21

Apa tau iato mai kappa bang, moi sangbuku kada tae’ napebalii, belanna nakua kadanna datu lako tau iato mai: Da mibali lenni.

MATIUS 2:11

Malemi tinde tau tama banua iato, nakitai tu Pia’-pia’ sola Maria, indo’Na; tukkumi umpenombaI, nabungka’ nasangi tu pa’pannianna napasunni tu iananna, anna penombanni lako tu pa’kasianan, iamotu mai bulaan sia dupa sia muru.

PENGGAURANNA RASULU’ 7:35

Musa iamoto tu natumpu tau, nakua: Mindara unnalako Pangulu sia to mangra’ta’ kara-kara? na ia tonganmo Nasua Puang Matua dadi pangulu sia to parampanan nasande’ tu malaeka’ nakita lan to’ duri.

PA’TOLE 13:13

Den tu to kadake bu’tu dio lu kamu, tu umpopemboko’i tu to umpa’tondokki kotana, ma’kada nakua: Tamalemo umpenombai kapenomban senga’, tu tae’pa mitandai –

1 SAMUEL 11:12

Attu iato ma’kadami tu to buda lako Samuel, nakua: Mindara ia, tu ma’kada dolona kumua: Umbani apa tu Saul la umparentaki’? Baai mai tu tau iato, angki patei.

1 SAMUEL 11:13

Apa nakua Saul: Allo iate tae’ nama’din misa’ tau dipatei, belanna allo iate Napaden PUANG tu kadirampanan lako to Israel.

1 SAMUEL 16:20

Naalami Isai tu keledai misa’ napatteke’i roti sia misa’ kiriba’ anggoro’ sia bembe’ laki mangura misa’ napa’peanni Saul nabaa Daud, anakna.

1 SAMUEL 2:12

Iatu mai anakna muane Eli sala’ kedo, tae’ nadampangi tu PUANG sia iatu katongananna sia taana to minaa, ke to buda sae memala’.

1 SAMUEL 25:17

Totemo la miissan sia la mitimbang melo tu apa sipatu la mipogau’, belanna dipamanassamo tu kasanggangan lako puangki sia lako mintu’ to lan banuanna. Tonganna iamo misa’ to kadake, tu tang diissan disipa’kadan.