1 SAMUEL 10:24 - Sura' Madatu

²⁴ Ma’kadami tu Samuel lako mintu’ tau, nakua: Mitiromoraka tu to Natonno’ PUANG, belanna moi misa’ tau tae’ padanna lan te mintu’ tau. Unnarrak-arrakmi tu mintu’ tau, nakua: La maupa’ tu datu!

1 SAMUEL 10:24 ပူးပေါင်းရင်းမြစ်များ

2 SAMUEL 16:16

Iatonna saemo tu Husai, to Arki, sangmanena Daud mennolo lako Absalom, nakuami, lako: Na maupa’mora tu puangku! Na maupa’mora tu puangku!

2 SAMUEL 21:6

la mibenkanni pitu tu anakna muane, angki tokeranni PUANG dio Gibeon Saul, to Natonno’ PUANG. Nakuami datu: La kubenkomi.

1 DATU 1:21

Iake tae’i nasusito, la nakuanna’ tau sola Salomo, anakku, to pabali-bali, ke tamamokomi batu dilobang dipasola nene’ to dolomi.

1 DATU 1:25

Belanna allo iate malemo untunu sapi buda sia patuoan malompo sia domba anna tambai tu mintu’ anakna datu sia mintu’ pangulu rari sia to minaa Abyatar; marassanmo tu tau iato mai kumande sia mangiru’ dio olona, anna ma’kada nakua: Namaupa’mora tu datu Adonia.

1 DATU 1:34

Anna to minaa Zadok sia nabi Natan untokkoi minna’ inde to dio, anna dadi datunna to Israel; ammi mane umpannoni napiri tanduk sia metamba kumua: Namaupa’mora tu datu Salomo!

1 DATU 1:39

Naalami to minaa Zadok tu tanduk nanii minna’ lan mai tenda, anna tokkoi tu Salomo; anna pannonii tau tu napiri tanduk, namintu’ to buda sipeoli-olian nakua: Namaupa’mora tu datu Salomo!

2 DATU 11:12

Nasolammi lako salian tu anakna muane datu, napasongko’i makota, sia naben Kasa’bian. Susimoto tu tau iato mai unnangka’ datu; natokko, anna massala’pa-la’pa tu tau iato mai sia metamba-tamba nakua: Na maupa’mora tu datu!

2 OSSORANNA DATU 23:11

Nasolammi tau iato mai lako salian tu anakna muane datu, napasongko’i makota, nabenni Kasa’bian, sia naangka’ datu. Natokkomi Yoyada sola anakna muane, anna metamba nakua: Namaupa’mora tu datu.

MATIUS 21:9

Iatu to buda, tu dolona dio tingayoNa sia undinna unturu’I, unnarrak-arrak, nakua: Hosanna tu Anakna Daud, Kurre sumanga’Na tu saeNa umpotete sanganNa Puang, Hosanna dao masuanggana.

PA’TOLE 17:15

attu iato la unnangka’ko datu anna datuiko, tu la Napilei PUANG, Kapenombammu; dio mai siulu’mu la munii unnangka’ misa’ datu undatuiko; tangia to salian bangsa, tu tangia siulu’mu, la ma’din muangka’ undatuiko.

1 SAMUEL 11:15

Male nasangmi tu bangsa iato lako Gilgal unnangka’ Saul dadi datu dio oloNa PUANG dio Gilgal sia napemalaran inde to tu pemala’ kasalamaran dio oloNa PUANG; parannu-rannumi tu Saul inde to dio sola mintu’ to Israel lendu’ marua’na.

1 SAMUEL 12:1

Ma’kadami tu Samuel lako mintu’ to Israel, nakua: Manassa kuperangii nasangmo tu mipokadanna lako kaleku sia kutokkoammokomi misa’ datu.

1 SAMUEL 12:13

Totemo tiromi tu datu, tu mitonno’ sia mipalaku. Tonganna Naangkarammokomi PUANG misa’ datu tu umparentakomi.

1 SAMUEL 9:2

Iatu tau iato den misa’ anakna disanga Saul, to malolle’ sia melo pati’na; moi misa’ tau tae’ ussau’ meloi dio lu mintu’ to Israel; angge palempengnari tu malangka’na to buda.