1 SAMUEL 10:23 - Sura' Madatu

²³ Ma’dondomi tu tau male unnalai inde to dio mai; iatonna bendan lan tangnga-tangnga to buda, angge palempengnari tu malangka’na mintu’ tau.

1 SAMUEL 10:23 ပူးပေါင်းရင်းမြစ်များ

KADADIAN 3:24

Naula’imi tassu’ tu tolino Napannii ba’tu pira-pira karubion mentiro lu lako matallona pa’lak Eden sitetang pa’dang pandillak-dillak dukku-dukku matanna la ungkampai lalan lako to’ kayu katuoan iato.

1 SAMUEL 16:7

Apa sae tu kadanNa PUANG lako Samuel, nakua: Da narupanna bang mutiro ba’tu kakalandoanna kalena, belanna tae’ naalai penaangKu. Belanna iatu natirona tolino, tae’ na ia bang tongan; belanna iatu tolino ia manna tu apa dio tingayona natiro, apa PUANG untiroi tarru’ tama ba’teng.

1 SAMUEL 17:4

Ta’kala sunmi lan mai tuntunan surodadu to Filistin misa’ pa’barani, disanga Goliat dio mai tondok Gat; iatu langka’na annan siku sangdangkan.

1 SAMUEL 9:1

Denmi misa’ tau dio mai suku Benyamin, disanga Kish, anakna Abiel, anakna Zeror, anakna Bekhorat, anakna Afiah, misa’ to Benyamin, to sugi’.

1 SAMUEL 9:2

Iatu tau iato den misa’ anakna disanga Saul, to malolle’ sia melo pati’na; moi misa’ tau tae’ ussau’ meloi dio lu mintu’ to Israel; angge palempengnari tu malangka’na to buda.