1 SAMUEL 10:22 - Sura' Madatu

²² Mekutanaomi tu tau lako PUANG, nakua: Ba’tu saemi tu tau iato?, anNa balii PUANG, Nakua: Manassa membunimo lan lu to’ pareanan.

1 SAMUEL 10:22 ပူးပေါင်းရင်းမြစ်များ

KADADIAN 25:22

Iatu pia’-pia’ sita’du-ta’du lan pa’tambukanna, iamoto anna ma’kada nakua: Iake susite, ma’apari narampoira’ te iannate? Malemi umpekutananni lako PUANG.

2 SAMUEL 2:1

Mangkato mekutanami tu Daud lako PUANG, nakua: Ma’dinra’ka ke’de’ inde te lako sala umbanna tondok Yehuda? Mebalimi PUANG lako, Nakua: Ke’de’moko. Nakuami Daud: Tondok umbara tu sipatu la kunii male? Nakuami PUANG: Lako Hebron.

2 SAMUEL 21:1

Iatonna linona Daud denmi karorian pannang situru’-turu’ bang tallung taun; iamoto anna masambayang tu Daud umpekutananni langngan PUANG. Napebaliimi PUANG Nakua: Iamo tu Saul, sola bati’na kaindanan rara bangsia, belanna mangka umpatei to Gibeon.

KADIBILANGAN 27:21

La bendan dio olona to minaa Eleazar anna pekutananni to minaa Eleazar tu pangra’ta’na Urim dio oloNa PUANG. Anna tete dio parentaNa anna lu tama lu lan mai tu tau iato mai, la ia la iatu mintu’ to Israel nasisolan, sia mintu’ kasirampunan.

LUKAS 14:11

Belanna minda-minda umpamadoan kalena, iamo la dipamadiongan, na minda-minda umpamadiongan kalena, iamo la dipamadoan.

TO PARENGNGE’ 1:1

Iatonna matemo tu Yosua, mekutanami tu to Israel lako PUANG, nakua: Mindarakan tu la male dolo urrarii to Kanaan.

TO PARENGNGE’ 20:18

Ke’de’ nasangmi tu mintu’ to Israel lako Betel, tu nanii mekutana lako Puang Matua, nakua: Mindannarakanni la male dolo sirari to Benyamin? Mebalimi tu PUANG Nakua: Yehuda dolo.

TO PARENGNGE’ 20:23

Malemi tu to Israel, anna tumangi’ dio oloNa PUANG sae lako makaroenna, anna mekutana lako PUANG nakua: Ma’dinra’ka la male pole’ sirari bati’na Benyamin, siulu’ku? Nakuami PUANG: Ke’de’mokomi urrarii.

TO PARENGNGE’ 20:28

na Pinehas, anakna Eleazar, anakna Harun, tu umpogau’ toeanna allo iato dio oloNa Puang. Anna ma’kada tu tau iato mai nakua: Ma’dinra’ka la male pole’ sirari bati’na Benyamin, siulu’ku, ba’tu la kutorroimoraka? Ma’kadami tu PUANG Nakua: Ke’de’mokomi belanna masiang la Kusorong tu tau iato mai tama limammi.

1 SAMUEL 10:21

Iatonna disuamo sae mennolo tu suku Benyamin situru’ mintu’ pa’rapuanna, pa’rapuannami Matri nakanna. Mangkato Saulmi, anakna Kish nakanna, anna didaka’, apa tae’ nadiappa’.

1 SAMUEL 14:37

Mekutanami tu Saul lako Puang Matua, nakua: Ma’dinra’ka mengkalao unnula’i tu to Filistin? La Misorong siaraka tama limanna to Israel? Apa iatonna allo iato tae’ Napebalii.

1 SAMUEL 15:17

Nakuami Samuel: Tang susiraka to, kumua moi mibitti’ dio pentiromi, apa dipadadikomi pangulunna mintu’ to Israel sia Natokkokomi PUANG dadi datunna to Israel?

1 SAMUEL 22:10

tu umpekutananni lako PUANG tu diona a’ganna sia tu umbenni kinallo, sia naben tu pa’dangna Goliat, to Filistin.

1 SAMUEL 23:9

Iatonna issanni Daud, kumua iatu Saul ma’tangnga’ kadake la unneai, ma’kadami lako to minaa Abyatar, nakua: Banna’ mai tu epo’.

1 SAMUEL 30:7

Ma’kadami Daud lako to minaa Abyatar, anakna Ahimelekh: Baanna’ mai tu epo’. Nabaami Abyatar tu epo’ lako Daud.

1 SAMUEL 30:8

Mekutanami tu Daud lako PUANG, nakua: Ma’dinraka kuula’i tu kaponan iato? La kulambi’ siaparaka? Nabalimi Puang nakua: Ula’imi, belanna la mulambi’pa sia manassa la murampanan nasang.

1 SAMUEL 9:21

Apa mebali tu Saul sia ma’kada, nakua: Tae’raka kumisa’ to Benyamin, tu bu’tu dio mai suku bitti’na to Israel? Sia iatu pa’rapuangku tang iamoraka madionganna dio mintu’ pa’rapuanna suku Benyamin? Ma’apai mima’kada susito lako kaleku?