1 SAMUEL 10:16 - Sura' Madatu

¹⁶ Mebalimi tu Saul lako pa’amberanna, nakua: Ta’pa napokadangkanni, kumua: Iatu keledai diappa’mo. Apa iatu diona kadatuan tu napokada Samuel, tae’ napokadanni.

1 SAMUEL 10:16 ပူးပေါင်းရင်းမြစ်များ

KATASSURAN 4:18

Sulemi tu Musa lako Yitro matusanna, nama’kada lako nakua. Eloranna’ kusule sitammu mintu’ siulu’ku dio Mesir, angku issanni ba’tu la tuo siapi. Mebalimi Yitro lako Musa, nakua: Pela’moko lalan!

SARAMBU PEADA’ 12:23

Iatu to manarang ullamun bang kapaissananna, apa iatu to baga untaleran bang kada baganna.

SARAMBU PEADA’ 29:11

Iatu tobaga umbarrakan bang mintu’ kasengkeanna, apa iatu to kinaa umpadapa sia umpa’dei kasengkeanna.

TOMANGADA’ 3:7

Den tu attu dinii masserek sia den tu attu dinii mandasi’, den tu attu dinii ma’pakappa sia den tu attu dinii ma’ulelean.

TO PARENGNGE’ 14:6

Apa Narampoi PenaanNa PUANG, naurungan ussapekki tu singa, susito ussapek anak bembe’ laki, moi natae’ bang apa lan limanna. Apa tae’ napaissanni ambe’na sia indo’na tu apa mangka napogau’.

TO PARENGNGE’ 14:9

Naalami tu tani’ enoan iato napadiongi pala’na, anna male ungkande lolananni. Iatonna rampomo lako indo’ ambe’na naben dukami pira, anna kandei. Apa tae’ napokada lenni, kumua iatu tani’ enoan iato naala lan mai singa mate.

1 SAMUEL 10:15

Nakuami tu pa’amberanna Saul: Pokadanna’i apa napokada Samuel lako kalemi.

1 SAMUEL 9:20

Na iatu diona keledaimmu tu tallung allomo pa’dena, damo mupomasussai, belanna, diappa’mo. Minda pole’opara tu nanii mintu’ apa nakamali’ to Israel, ke tae’i nadio kalemu sia dio lu mintu’ sangdadiammu?

1 SAMUEL 9:27

Iatonna solo’mo sola duai nasae lako to’ biring kota, ma’kadami Samuel lako Saul, nakua: Padoloi tu taummu male namane kita. Dolomi tu taunna. – Apa la torroko indete dolo, angku pokadangko tu kadanNa Puang Matua.