1 SAMUEL 10:11 - Sura' Madatu

¹¹ Na iatu mintu’ tu to untandai dolona, tonna tiroi marassan ma’nubua’ sola tu mintu’ nabi iato, sipa’kada-kadami, nakua: Apamora tu dadi lako anakna Kish? Naala dukaraka bilangan nabi tu Saul?

1 SAMUEL 10:11 ပူးပေါင်းရင်းမြစ်များ

AMOS 7:14

Mebalimi tu Amos lako Amazia nakua: Tangiana’ nabi sia tangiana’ anak nabi sangadinna misa’na’ to manglaa sia to ungkaduttu’ bua ara pangala’.

AMOS 7:15

Apa Naalamo’ PUANG dio mai boko’ domba, sia ma’kada tu PUANG lako kaleku, Nakua: Maleko ammu ma’nubua’ diona ukungan diparampo lako taungKu Israel.

YOHANES 7:15

Mangngami tu to Yahudi nakua: Umba Ia nakua te Tau te untarru’i tu mai Sura’ anna tae’ Namelada’?

PENGGAURANNA RASULU’ 3:10

sia untandai kumua iamote tu to unno’ko’ malaku-laku dio to’ ba’ba Banua Kabusungan, disanga Ba’ba Ballo. Mintu’ tu tau mangnga sia lendu’ tirambanna belanna iatu apa mangka dadi lako tinde tau.

PENGGAURANNA RASULU’ 4:13

Iatonna tiroi tu kabattaranna penaanna Petrus sola Yohanes, sia naissan kumua tae’ nadiada’i sura’ sukaran aluk sia to biasa bangsia, mangngami, maneri natandai kumua iatinde tau sola duai sisolamo Yesu pirambongi’.

PENGGAURANNA RASULU’ 9:21

Apa mangnga tongan tu mintu’ to urrangii nakuami: Tang iamoraka te tu urratoi mintu’ to ussa’bu’ sanga iato dio Yerusalem! ia duka natungkanan sae tu iannato, kumua nabaa situang pungoi tu tau iato mai lako olona to minaa.

1 SAMUEL 19:24

Nalossokan dukami tu pakeanna. Sia ia dukamo tiakka’ penaanna ma’nubua’ dio tingayona Samuel. Sia sangallo sangbongi bang tang ma’tamangkale. Iamoto nakuami tu tau: Naala dukaraka bilangan nabi tu Saul?