1 SAMUEL 1:3 - Sura' Madatu

³ Tae’ nasalai ke taunoi tu tau iato sun lan mai kotana, ma’palurekke, la lao massambayang sia memala’ lako PUANGna mintu’ ma’dandan maritik dio Silo. Indeto dio den to minaanNa PUANG iamotu Hofni sia Pinehas, anakna dua Eli.

1 SAMUEL 1:3 ပူးပေါင်းရင်းမြစ်များ

PA’PUDIAN 78:60

Naurunganni Nasalai tu tenda dio Silo, tu tenda Napabendan dio to’ naninna tolino;

KATASSURAN 23:14

Lan sangtaun pentallunko la umpogau’ pa’gauran umpakarayaNa’.

KATASSURAN 23:17

Lan sangtaun la pentallun tu taummu muane umpennoloi Puangmu PUANG.

KATASSURAN 34:23

La sipentallun lan sangtaun tu mintu’ muane dio lu kalemi la mennolo lako PUANG Puangmi, iamotu Kapenombanna to Israel.

LUKAS 2:41

Dilambi’oi taun maleoi tu indo’ ambe’Na lako Yerusalem, ke allo Pasa.

PA’TOLE 16:16

Pentallun lan sangtaun pantanni tu muane dio lu kamu, la mennolo dio oloNa PUANG, Kapenombammu lan tu inan, tu la Napilei Puang, iamotu ke pa’gauran roti tang diragii sia ke pa’gauran minggu sia ke pa’gauran pekalumban. Apa tae’ anna la mennolo lo’bang dio oloNa PUANG;

YOSUA 18:1

Ditambaimi tu mintu’ kombongan to Israel sae sirampun dio Silo; napabendanmi dio tu Tenda Kasitammuan, belanna iatu tondok iato mangkamo natalo.

TO PARENGNGE’ 18:31

Napadenammi kalena tu rapang-rapang dipa’ tu mangka nagaragai Mikha, natorro dio sipeupu’ kabendananna banuanna Kapenomban dio Silo.

TO PARENGNGE’ 21:19

Ma’kadami tu tau iato mai nakua: Manassa iake taunoi den misa’ pa’gauran umpakaraya PUANG dio Silo, tu rampe rekkena Betel, sia rampe matallona batatta lompo, tu ma’palu dio mai Betel lako Sikhem, sia rampe sau’na Lebona.

1 SAMUEL 1:21

Iatu Elkana, muane iato, malemi ma’palurekke sola mintu’ to lan banuanna la umpennoloan pemala’ pentaunan sia pemala’ pangallonanna lako PUANG.

1 SAMUEL 1:9

Iatonna mangkamo tu tau kumande sia mangiru’ dio Silo, ke’de’mi tu Hana; na iatu to minaa Eli unno’ko’ dao kadera sikandappi’ ampang banuanna PUANG.

1 SAMUEL 14:3

Iatu Ahia, anakna Ahitub, siulu’na Ikabod, anakna Pinehas, anakna Eli, iamotu to minaanNa PUANG dio Silo, ma’pake epo’. Tae’ natandai to buda tu diona Yonatan kumua malemo.

1 SAMUEL 2:19

Nagaragammi indo’na bayu lamba’bitti’, nabanni ke taunoi, ke malei sola muanena rekke la umpemalaran pemala’ pentaunan.

1 SAMUEL 2:34

Iamote tu la dadi tanda lako kalemu, iamotu la urrampoi anakmu sola duai, Hofni na Pinehas: la sangallori mate sola duai.

1 SAMUEL 3:13

Belanna mangkamo Kupa’peissanan, kumua Aku la unnukungi tu to lan banuanna sae lakona, diona tu mintu’ kakadakean naissan, belanna iatonna umpasae tampak ropu lako kalena tu anakna sola duai, inang tae’ bang nagarrakki.

1 SAMUEL 4:11

Sia iatu pattinNa Puang Matua dirampa na iatu anakna Eli sola duai, iamo tu Hofni na Pinehas, matemo.

1 SAMUEL 4:4

Disuami tu tau lako Silo, anna baai dio mai tu patti basseNa PUANGna mintu’ ma’dandan maritik, tu unnisung dao karubion; na iatu anakna Eli sola duai, iamotu Hofni na Pinehas dio sola tu patti basseNa Puang Matua.