1 SAMUEL 1:28 - Sura' Madatu

²⁸ Iamoto la kusorong duka lako PUANG lan mintu’ allo katuoanna, belanna inang tisorongmo lako PUANG. Tukkumi tu pia iato menomba lako PUANG.

1 SAMUEL 1:28 ပူးပေါင်းရင်းမြစ်များ

KADADIAN 24:26

Tukkumi tinde tau, umpenombai PUANG.

KADADIAN 24:48

Tukkumo’ umpenombai PUANG, angku pudii tu PUANG, iamo Kapenombanna puangku Abraham, tu mangka urrendenna’ lako lalan tongan, la unnalanni anakna sangdadianna tu anakna puangku.

KADADIAN 24:52

Iatonna rangimi rurananna Abraham tu mintu’ kadanna tau iato mai, tukkumi rapa’ rokko padang umpenombai PUANG.

SARAMBU PEADA’ 31:2

Apara, e anakku, (tu la kupokadangko)? io apara, e anak sun dikaleku? io apara, e anak pangallonangku?

KADIBILANGAN 6:8

Lan mintu’ attu nanii nasirinNa Puang Matua, la masero dio oloNa PUANG.

2 TIMOTIUS 3:15

sia tempon dio mai bitti’mu mutandaimi tu mintu’ Sura’ MadatunNa Puang Matua, tu ma’din umpakinaako la umpabu’tu kamakarimmanan tete dio kapatonganan lako Kristus Yesu.

TO PARENGNGE’ 7:15

Iatonna rangimi Gideon tu uleleanna tindo iato sola sembangna, tukkumi menomba anna sule lako to’ tenda surodadunna to Israel, anna ma’kada, nakua: Millikmokomi, belanna Nasorongmo PUANG tu to’ tenda surodadu tama limammi.

1 SAMUEL 1:11

Mangallonammi, nakua: O PUANGna mintu’ ma’dandan maritik, iake ma’dinni Mitiroi tu kamaparrisanna taummi sia Mikilalaina’ sia tae’ Mipaboko’i penaa tu taumMi, sangadinna la Mikamaseina’ misa’ pia muane, manassa la kusorong lako PUANG lan mintu’ allo katuoanna sia tae’ nala urrumbui piso peku’ku’ tu ulunna.

1 SAMUEL 1:22

Apa iatu Hana tae’ namale rekke, sangadinna nakua lako muanena: ianna sarak susumo te pia, aku la ussolanni, anna mennolo dio oloNa PUANG sia torro tarru’ daa.

1 SAMUEL 2:11

Mangkato, sulemi tu Elkana lako banuanna dio Rama, apa iatu pia iato torro umpogau’ toena lako PUANG napatudu to minaa Eli.

1 SAMUEL 2:20

Napassakkemi Eli tu Elkana sola duai ma’baine, nakua: Nakamaseimoroko PUANG bati’ dio mai baine iate la ussondai tu mangkanna disorong lako PUANG. Mangkato sulemi lako tondokna.

1 SAMUEL 28:2

Mebalimi Daud lako Akhis, nakua: Nanassa la mitiro sia tu apa la kupogau’. Nakuami Akhis lako Daud: Iamoto angku angka’ko ammu tontong umpenniroi kaleku.