1 SAMUEL 1:22 - Sura' Madatu

²² Apa iatu Hana tae’ namale rekke, sangadinna nakua lako muanena: ianna sarak susumo te pia, aku la ussolanni, anna mennolo dio oloNa PUANG sia torro tarru’ daa.

1 SAMUEL 1:22 ပူးပေါင်းရင်းမြစ်များ

PA’PUDIAN 110:4

Umpalaomo sumpa tu PUANG sia tang la menassan: Ikomo Tominaa tontong sae lakona unturu’ lalanna Melkisedek;

PA’PUDIAN 23:6

Inang manassa tontongna’ nasa’pi’ kameloan sia kamasokanan angge tuoku, sia la torrona’ lan banuanNa PUANG tontong sae lakona.

PA’PUDIAN 27:4

Misa’ tu mangka kupalaku dio mai PUANG; iamoto tu la kutuntun, kumua: angku ma’din torro lan banuanNa PUANG angge tuoku, la untiro lindo kamasokananNa PUANG, sia unnannungi tu iannato lan banua kabusunganNa.

KATASSURAN 21:6

la napopengkareke’ puangna lako oloNa Kapenomban, mangkato nabaai lako to’ ba’ba banuanna ba’tu to’ ampang ba’bana, anna tossokki panusuk puangna tu talinganna, anna dadi pa’kurinanna angge tuona.

YESAYA 9:7

Napasonglo’mo Puang tu misa’ kada lako Yakub, nata’pa lan Israel.

SURA’ KATOMINAAN 25:23

Iatu padang iato tae’ na la dibaluk sae lakona, belanna padangKu sia kamu to sae sia to mentiruran tu torro dio padangKu.

LUKAS 2:22

Iatonna lambi’mi allo kamaseroanna tu indo’Na, susitu atoranna Musa, nabaami tu anakna lako Yerusalem, la lao napopennolo lako oloNa Puang Matua;

PA’TOLE 16:16

Pentallun lan sangtaun pantanni tu muane dio lu kamu, la mennolo dio oloNa PUANG, Kapenombammu lan tu inan, tu la Napilei Puang, iamotu ke pa’gauran roti tang diragii sia ke pa’gauran minggu sia ke pa’gauran pekalumban. Apa tae’ anna la mennolo lo’bang dio oloNa PUANG;

YOSUA 4:7

La mibali tu tau iato mai, mikua: Iatu uainna Yordan tipa’dua dio tingayo patti basseNa PUANG; iatonna lamban Yordan, tipa’dua tu uainna Yordan; iamoto iate batu iate dadi misa’ tanda kapengkilalan lako to Israel tontong sae lakona.

1 SAMUEL 1:11

Mangallonammi, nakua: O PUANGna mintu’ ma’dandan maritik, iake ma’dinni Mitiroi tu kamaparrisanna taummi sia Mikilalaina’ sia tae’ Mipaboko’i penaa tu taumMi, sangadinna la Mikamaseina’ misa’ pia muane, manassa la kusorong lako PUANG lan mintu’ allo katuoanna sia tae’ nala urrumbui piso peku’ku’ tu ulunna.

1 SAMUEL 1:28

Iamoto la kusorong duka lako PUANG lan mintu’ allo katuoanna, belanna inang tisorongmo lako PUANG. Tukkumi tu pia iato menomba lako PUANG.

1 SAMUEL 13:13

Ma’kadami tu Samuel lako Saul, nakua: Iate penggaurammi te kabagan tongan, belanna tae’ mituru’i tu pepasanNa PUANG, Kapenombammi, tu dipokadangkomi, belanna iatu tanan penaanNa PUANG, la morai umpatontongi totemo tu kadatuammi lako to Israel sae lakona.

1 SAMUEL 2:11

Mangkato, sulemi tu Elkana lako banuanna dio Rama, apa iatu pia iato torro umpogau’ toena lako PUANG napatudu to minaa Eli.

1 SAMUEL 2:18

Apa iatu Samuel tontong umpogau’ toena dio oloNa PUANG; mangurapa ia sia ma’sambu’ lenang.

1 SAMUEL 28:2

Mebalimi Daud lako Akhis, nakua: Nanassa la mitiro sia tu apa la kupogau’. Nakuami Akhis lako Daud: Iamoto angku angka’ko ammu tontong umpenniroi kaleku.

1 SAMUEL 3:1

Iatu Samuel tomangura iato umpogau’ toena lako PUANG napatudu Eli. Attu iato masagalamo tu kadanNa PUANG sia tae’mo dipaombo’ tu patiro mendeata.