1 SAMUEL 1:21 - Sura' Madatu

²¹ Iatu Elkana, muane iato, malemi ma’palurekke sola mintu’ to lan banuanna la umpennoloan pemala’ pentaunan sia pemala’ pangallonanna lako PUANG.

1 SAMUEL 1:21 ပူးပေါင်းရင်းမြစ်များ

KADADIAN 18:19

Belanna mangkamo Kuturo ta’ba, dikua anna patudui tu mai anakna sia bati’na, la ungkaritutui lalanNa PUANG, la umpogau’ kamaloloan sia kamalamburan anNa palanda’i PUANG lako kalena tu apa mangka Napokadanni.

PA’PUDIAN 101:2

La kukaritutui tu kaleku unnola gau’ masallo’. Piranra amMi la rampo lako kaleku? La lolang ma’bulo lollongna’ lan banuangku.

PA’TOLE 12:11

manassa la lakokomi inan, tu Napileimo PUANG, Kapenombammi, la Napannii sanganNa, minii umbaa mintu’ apa tu kupepasanan lako kalemi, iamotu pemala’ ditunu pu’pu’mi sia pemala’ pangrere’mi, taa sangpulomi sia pa’durukmi sia mintu’ pemala’ pangallonan dipilei, tu la mialluran PUANG.

PA’TOLE 12:6

Indemoto la minii umbaai tu mintu’ pemala’ ditunu pu’pu’mi sia pemala’ pangrere’mi sia mintu’ taa sangpulomi sia mintu’ pamengammi tu dipamarimbangan sia mintu’ pemala’ pangallonammi sia mintu’ pemala’ tanning inaammi sia anak pa’bunga’na sapimmi sia pa’bunga’na dombami sia bembe’mi.

YOSUA 24:15

Apa iake misangai tang melo tu umpengkaolai PUANG, melo ke mipilei totemo minda tu minii mengkaola: lakoraka mintu’ deata tu napenombai nene’ to dolomi sambalinna lu Salu, lakoraka deata to Amori tu minii ma’tondok. Apa iatu aku sia to lan banuangku la mengkaolakanni lako PUANG.

1 SAMUEL 1:3

Tae’ nasalai ke taunoi tu tau iato sun lan mai kotana, ma’palurekke, la lao massambayang sia memala’ lako PUANGna mintu’ ma’dandan maritik dio Silo. Indeto dio den to minaanNa PUANG iamotu Hofni sia Pinehas, anakna dua Eli.

1 SAMUEL 2:19

Nagaragammi indo’na bayu lamba’bitti’, nabanni ke taunoi, ke malei sola muanena rekke la umpemalaran pemala’ pentaunan.