1 SAMUEL 1:2 - Sura' Madatu

² Da’dua tu bainena, misa’ disanga Hana na misa’ disanga Penina; iatu Penina kianak, apa iatu Hana tae’.

1 SAMUEL 1:2 ပူးပေါင်းရင်းမြစ်များ

KADADIAN 11:30

Iatu Sarai tamanang, tae’ anakna.

KADADIAN 25:21

Iatu Ishak malaku tongan langngan PUANG diona bainena, belanna tamanang: Napalalomi PUANG tu palakunna, ma’tambukmi tu Ribka, bainena.

KADADIAN 29:31

Iatonna tiroi PUANG kumua iatu Lea naerean penaa, Nabungka’mi tu inan taunna, apa iatu Rahel tamanang.

KADADIAN 4:19

Iatu Lamekh umpada’dua bainena, misa’ disanga Ada na misa’ disanga Zila.

KADADIAN 4:23

Nakuami tu Lamekh lako bainena sola duai Ada sola Zila: Perangii sola duakomi tu randan dipudukku, e kamu bainena Lamekh, patananni talinga tu tongka’ dililaku. Tonganna umpateina’ misa’ muane belanna diona bangkeku, sia to mangura belanna diona kaluntorangku.

MATIUS 19:8

Nakuami Yesu lako tinde tau: Tu belanna kamakarrasanna penaammi anna elorangkomi Musa untantang bainemi; apa iatu tempon dio mai tae’ ia nasusito.

LUKAS 1:7

Iatu tau iato tae’ nakianak, belanna tamanang tu Elisabet namatuamo sola duai, lendu’mo kakianakanna.

LUKAS 2:36

Den misa’ tau, disanga Hana, nabi baine, anakna Fanuel, bati’na Asyer, masaimo tau; anak darapa nakemuane napitung taunri sisola muanena;

TO PARENGNGE’ 13:2

Denmi misa’ muane dio mai Zora, dio mai pa’rapuanna to Dan, disanga Manoah, iatu bainena tamanang, tae’ nakianak.

TO PARENGNGE’ 8:30

Den pitungpulo tu anak dadianna Gideon, belanna buda tu bainena.