1 SAMUEL 1:19 - Sura' Madatu

¹⁹ Tonna masiangna to millik kale’mi tu tau iato mai anna menomba dio oloNa Puang, anna sule lako banuanna dio Rama. Sangampa’mi Elkana tu Hana, bainena, sia Nakilalai dukamo PUANG.

1 SAMUEL 1:19 ပူးပေါင်းရင်းမြစ်များ

KADADIAN 21:1

Nabuaimi PUANG lako Sara to apa mangka Naalluranni sia Napogau’ PUANG lako susitu kadanNa.

KADADIAN 30:22

Nakilalai dukami Puang Matua tu Rahel sia Natanding talinga tu palakunna anNa bungka’i tu inan taunna.

KADADIAN 4:1

Sangampa’mi bainena tu tolino, iamotu Hawa, ma’tambukmi, nadadianni tu Kain, nakuami: Kuappa’mo tu misa’ pia muane tete dio pa’tunduanNa PUANG.

KADADIAN 8:1

Nasusito Nakilalaimi Puang Matua tu Nuh sia mintu’ olo’-olo’ marira sia mintu’ patuoan tu nasolan lan lembang; Napopangiri’i Puang Matua tu angin lan lino, namere tu uai.

2 DATU 4:17

Ma’tambukmi tu baine iato anna kianakan misa’ pia muane to attu ia bangsiamoto tonna lendu’mo sangtaun, susitu mangka napokada Elisa lako kalena.

PA’PUDIAN 119:147

Tae’pa anna tilalek masiang, angku inang mangkamo mengkamoya, sia urrannuanna’ kada pangallu’Mi.

PA’PUDIAN 136:23

Tu mangka ungkilalaiki’ lan kamase-maseanta, belanna iatu kamasokananNa tang tileluk sae lakona.

PA’PUDIAN 25:7

Da Mipalan ara’i tu mintu’ kasalangku tongku mangura sia mintu’ kapatodo-tintingangku, sangadinna kilalaina’ sitinaya pa’kamaseamMi, belanna kamasokanamMi, o PUANG.

PA’PUDIAN 5:3

Tananni talinga tu pengkamoyaku, o Datungku, o Kapenombangku, belanna mati’ Kalemi kunii malaku.

PA’PUDIAN 55:17

Apa iatu aku te meongli’na’ lako Puang Matua, na PUANG la ullendokanna’.

MARKUS 1:35

Iatonna dannari malillin bangsiapa, millikmi Nasun male lako to’ kasalanna nadio Nanii massambayang.

LUKAS 23:42

Nakuami lako Yesu: O Puang, kilalaina’ dikka’, ke tamaKomi ParentaMi!

YOSUA 18:25

Sia Gibeon, Rama, Beerot,

1 SAMUEL 1:1

Denmi misa’ muane dio mai Ramataim-Zofim, iamotu dio mai buntu Efraim, disanga Elkana, anakna Yeroham, anakna Elihu, anakna Tohu, anakna Zuf, misa’ to Efraim.

1 SAMUEL 1:11

Mangallonammi, nakua: O PUANGna mintu’ ma’dandan maritik, iake ma’dinni Mitiroi tu kamaparrisanna taummi sia Mikilalaina’ sia tae’ Mipaboko’i penaa tu taumMi, sangadinna la Mikamaseina’ misa’ pia muane, manassa la kusorong lako PUANG lan mintu’ allo katuoanna sia tae’ nala urrumbui piso peku’ku’ tu ulunna.

1 SAMUEL 15:34

Mangkato malemi tu Samuel lako Rama, nasule tu Saul lako banuanna dio Gibea-Saul.

1 SAMUEL 16:13

Naalami Samuel tu tanduk nanii minna’, anna bolloi lan tangngana mintu’ siulu’na. Natamaimi PenaanNa PUANG tu Daud randuk allo iato anNa tontong dio kalena. Mangkato ke’de’mi tu Samuel anna sule lako Rama.

1 SAMUEL 19:18

Susito mallaimi lussu’ tu Daud anna rampo lako Samuel dio Rama, napokadanni tu mintu’ apa nagauranni Saul. Malemi sola Samuel natorro sola duai dio Nayot.

1 SAMUEL 2:11

Mangkato, sulemi tu Elkana lako banuanna dio Rama, apa iatu pia iato torro umpogau’ toena lako PUANG napatudu to minaa Eli.

1 SAMUEL 25:1

Ta’kala matemi tu Samuel anna sirampun tu mintu’ to Israel ma’pote dibolong anna lamunni lan banuanna dio Rama. Ke’de’mi tu Daud anna solo’ rokko padang pangallaran Paran.

1 SAMUEL 7:17

Iake mangkaomi to suleomi lako Rama, belanna dio tu banuanna sia inde to nanii ullembanganni tu toean to ma’parenta lako to Israel; sia inde dukato dio nanii umpabendanan misa’ inan pemalaran PUANG.

1 SAMUEL 8:4

Iamoto anna sirampun tu mintu’ pekaamberan to Israel, anna male nasang mennolo lako Samuel dio Rama.

1 SAMUEL 9:26

Millik mela’bikmi sola duai; iatonna berre’mo allo natambaimi Samuel tu Saul langngan bubungan, nakua: Ke’de’moko angku solangko. Ke’de’mi tu Saul, anna male sola duai lako salian, la Saul la Samuel.