1 SAMUEL 1:18 - Sura' Madatu

¹⁸ Nakuami Hana: Podo mitontong ungkamaseina’. Mangkato malemi tu baine iato anna kumande sule sia tae’mo narondon tu lindona.

1 SAMUEL 1:18 ပူးပေါင်းရင်းမြစ်များ

KADADIAN 32:5

Den sapi sia keledai, sia domba na bembe’ sia sabua’ muane baine kuampui, iamoto angku mesua umpokadangkomi, ke ma’dinni mikaturu-turuina’.

KADADIAN 32:6

Sulemi lako Yakub tu to disua nakua: Sitiromokan Esau, siulu’mi sae duka la ussitiroangkomi sia den a’pa’ratu’ muane nasolan.

KADADIAN 33:15

Nakuami tu Esau: Da’ito kupatorroangko ba’tu pira-pira te to kusolan. Nakuami Yakub: Ma’apai nasusi to! Da napomatana’i penaammi to!

KADADIAN 33:8

Nakuami tu Esau: Apara la dipapatuanni tu mintu’ kusitammuanna ma’baanan? Mebalimi tu Yakub nakua: Iamo la umpamatana penaammi.

PA’PUDIAN 34:6

Iatu tau iato mai mentingara langngan Puang, anna mabaliga’ tu lindona belanna parannu, sia iatu lindona tae’ natodingi siri’.

TOMANGADA’ 9:7

Iamoto parannuko ungkandei tu kandemu sia pasendei tu penaammu unniru’i tu uai anggoro’mu, belanna iake mupogau’i tu iannato, inang masai allomo pa’poraianNa Puang Matua susito.

YOHANES 16:24

Sae lako te totemo tae’ bangpa mipalaku apa tete dio sangangKu. Palakumi, ammi appa’i, nasundun tu kaparannuammi.

ROMA 15:13

Denno upa’ anNa Puang Matua, tu oto’na kapa’rannuanan, umponnoikomi mintu’ kaparannuan sia kamarampasan tete dio kapatonganan, anna sakapua-puana rannummi belanna kamatotoranNa Penaa Masallo’.

RUT 2:13

Ma’kadami tu Rut nakua: Napa’pekitanan tonganmo puangku lako kaleku tu kamaturu-turuanna, belanna mipakatanamo’ sia ma’kada melokomi lako te taummi, moi anna tae’ kupada susi misa’i tu mintu’ taummi.

RUT 2:2

Ma’kadami tu Rut, to Moab, lako Naomi nakua: Melo ke malena’ lako bela’ angku ruruk buli dalle sisikan dio boko’na to ungkaturu-turuina’. Ma’kadami tu Naomi lako nakua: Malemoko, e anakku.