1 SAMUEL 1:17 - Sura' Madatu

¹⁷ Mebalimi tu Eli nakua: Male marampa’moko, na Kapenombannamora to Israel ungkamaseangko tu apa mupalaku lako Kalena.

1 SAMUEL 1:17 ပူးပေါင်းရင်းမြစ်များ

KADADIAN 25:21

Iatu Ishak malaku tongan langngan PUANG diona bainena, belanna tamanang: Napalalomi PUANG tu palakunna, ma’tambukmi tu Ribka, bainena.

2 SAMUEL 15:9

Nakuami datu lako: Male marampa’moko. Ke’de’mi tu Absalom anna male lako Hebron.

2 DATU 5:19

Nakuami tu Elisa lako: Male marampa’mokomi. Apa iatonna sanglengko lalanmo naolai,

1 OSSORANNA DATU 4:10

Meongli’mi tu Yabes lako Kapenombanna to Israel nakua: Ke ma’dinni Mipamasakke tonganna’i sia Mipakalua’ tu lili’ku, sia narondongna’ limamMi, sia patoyangi dio mai kaleku tu kamandasan, naurunganni tae’ naruana’ kamasolangan! Nakamaseammi Puang Matua tu apa napalaku.

MARKUS 5:34

Nakuami Yesu lako: E anakKu! pa’patonganmumo umpatuoko; male marampa’moko sia malekemoko dio mai sakimmu.

LUKAS 7:50

Nakuami Yesu lako tinde baine: Manassa kapatonganammumo umpatuoko, sule marampa’moko.

LUKAS 8:48

Nakuami Yesu lako tinde baine: Manassa kapatonganammumo umpatuoko, sule marampa’moko.

TO PARENGNGE’ 18:6

Mebalimi tu to minaa iato lako nakua: Male marampa’mokomi! Iate kalingkammi nakalo’ penaanNa PUANG.

1 SAMUEL 1:16

Da nasangai tuang kumua to sala’ kedona’, apa diona kaselangangku sia kamapa’dikanna penaangku, iamoto angku masai kadake ma’kada-kada.

1 SAMUEL 1:23

Ma’kadami tu Elkana, muanena, lako nakua: Pogau’mi tu apa musanga melo, torromoko sae lako musarakkinna; na PUANGmora umpasundunni tu kadanNa. Torromi tu baine iato umpasusu anakna sae lako nasarakkinna.

1 SAMUEL 20:42

Nakuami tu Yonatan lako Daud: Male marampa’moko, belanna manassa mangka tasibassei tete dio sanganNa PUANG, kumua: Na PUANGmora lan alla’na bati’ku sia bati’mu tontong sae lakona.

1 SAMUEL 25:35

Natarimami Daud dio mai limanna tu apa nabenni, anna ma’kada lako nakua: Sule marampa’moko rekke banuammu, kuturu’mo tu kadammu sia kutarimamo tu palakummu.

1 SAMUEL 29:7

Iamoto la sulekomi ammi malaga’-laga’ sia da mipogau’ apa nasanga kadake arung kota to Filistin.