1 SAMUEL 1:15 - Sura' Madatu

¹⁵ Apa mebali tu Hana nakua: Tae’ nasusito, o tuang, sangadinna aku te misa’ to tarru’ mapa’dik; tae’ angku iru’ uai anggoro’ ba’tu diiru’na tu melangona, sangadinna umbarrakanna’ mintu’ apa lan penaangku dio oloNa PUANG.

1 SAMUEL 1:15 ပူးပေါင်းရင်းမြစ်များ

AYUB 30:16

Apa totemo bonnong tu penaangku lan ba’tengku, sia allo kamandasan urrampoina’.

PA’PUDIAN 143:6

Mempala’na’ mati’ Kalemi, sia mamali’ tu penaangku Mati’. Ten to padang ba’ta’ ungkamali’ uai. Sela

PA’PUDIAN 42:4

Tae’mo kukumande sangadinna uai matangku mannamo kuparra keallo kebongi, belanna nakuan bangmo’ tau kiallo kumua: Umbamira tu Kapenombammu?

PA’PUDIAN 62:8

Lan Puang Matua nanii tu kasalamarangku sia kamala’birangku, iatu buntu batu matoto’ku sia pentirerungangku iamo Puang Matua.

PA’PUDIAN 62:9

E solaku, tontongkomi urrannuanNi, sia bungka’i tu penaammi dio oloNa; iatu Puang Matua Iamo pentirerunganta. Sela

SARAMBU PEADA’ 14:10

Penaanna kalena tu tau untandai karossoanna, sia iatu kaparannuanna tae’ nabelai to senga’ umperasai sola.

SARAMBU PEADA’ 15:1

Iatu pebali malamma’ ussa’po kasengkean ma’lana-lana, apa iatu kada mapalla umpatiludak ara’na tau.

SARAMBU PEADA’ 25:15

Diona pesuka’ kalando anna dipamalamma’ penaanna tu to paa, sia lila masokan unnisak-nisak buku.

BATING 2:19

Millikko ammu sumarro ke bongi, ke randukoi pa’kampan, barrakanni tu penaammu susito uai dio oloNa Puang, popempala’i tu limammu langngan Puang belanna sunga’na anakmu, tu ma’ipu napobua’ katangdiaran dio lu mintu’ kasepangan lalan.

1 SAMUEL 1:16

Da nasangai tuang kumua to sala’ kedona’, apa diona kaselangangku sia kamapa’dikanna penaangku, iamoto angku masai kadake ma’kada-kada.

1 SAMUEL 7:6

Sirampunmi tu tau iato mai dio Mizpa, anna timba uai, nabolloanni dio oloNa PUANG. Allo iato ma’puasami tu tau iato mai, anna ma’kada inde to dio, nakua: Kasalanmokan lako PUANG. Umpalalomi toean to parengnge’ tu Samuel lako to Israel dio Mizpa.