1 SAMUEL 1:11 - Sura' Madatu

¹¹ Mangallonammi, nakua: O PUANGna mintu’ ma’dandan maritik, iake ma’dinni Mitiroi tu kamaparrisanna taummi sia Mikilalaina’ sia tae’ Mipaboko’i penaa tu taumMi, sangadinna la Mikamaseina’ misa’ pia muane, manassa la kusorong lako PUANG lan mintu’ allo katuoanna sia tae’ nala urrumbui piso peku’ku’ tu ulunna.

1 SAMUEL 1:11 ပူးပေါင်းရင်းမြစ်များ

KADADIAN 28:20

Mangallonammi tu Yakub nakua: Iake Narondong siana’ Puang Matua sia Narinding pala’na’ dio lalan, tu kuolai totemo te sia Nabenna’ la kukandena sia tamangkale la kupake,

KADADIAN 29:32

Ma’tambukmi tu Lea, anna dadian misa’ pia muane, nasangai Ruben nakua: Natiro PUANG tu kamasussangku, iamoto totemo la napakaboro’na’ muaneku.

KADADIAN 30:22

Nakilalai dukami Puang Matua tu Rahel sia Natanding talinga tu palakunna anNa bungka’i tu inan taunna.

KADADIAN 8:1

Nasusito Nakilalaimi Puang Matua tu Nuh sia mintu’ olo’-olo’ marira sia mintu’ patuoan tu nasolan lan lembang; Napopangiri’i Puang Matua tu angin lan lino, namere tu uai.

2 SAMUEL 16:12

Den sia manii upa’ anNa tiroi PUANG tu kamaparrisangku anNa kamaseina’ kameloan la sondana tampak ropunna allo iate.

PA’PUDIAN 25:18

Tiromi tu kamaparrisangku sia kamapa’dirangku, sia pa’deimi tu mintu’ kasalangku.

KATASSURAN 4:31

Napatonganmi to buda tu kadanna Musa sia iatonna rangimi, kumua Nakilalaimo PUANG sia Natiromo tu kamaparrisanna, tukkumi menomba.

SARAMBU PEADA’ 31:2

Apara, e anakku, (tu la kupokadangko)? io apara, e anak sun dikaleku? io apara, e anak pangallonangku?

TOMANGADA’ 5:4

La’biran da pissan mumangallonan, ke la tae’mira mupalesso’i tu pangallonammu.

SURA’ KATOMINAAN 27:2

Ma’kadako lako to Israel sia kuanni kumua: Iake denni tau umpangallonni misa’ pangallonan, situru’ tu muanggaran to disorong lako PUANG,

KADIBILANGAN 21:2

Mangallonammi tu to Israel lako PUANG, sia ma’kada nakua: Iake Misorong nasangi te bangsa iate tama kuasangku, manassa la kusabu’i tu mintu’ tondokna butung pepayu.

KADIBILANGAN 6:11

La napemalaran to minaa tu misa’ diposuru’ pengkalossoran na iatu senga’na la dipopemala’ ditunu pu’pu’, anna padenanni kadiseroian kasalan, belanna kasalan untoe batang rabuk, anna allo ia dukato la nanii umpamasero ulunna.

KADIBILANGAN 6:5

Lan mintu’ attu nanii mangallonan nasirinNa Puang Matua, tae’ na la urrampoi piso peku’ku’ tu ulunna; sae lako ganna’na tu allo nanii umpamarimbangan kalena lako PUANG, la masero sia la naeloran bang tu beluakna tuo.

KADIBILANGAN 6:8

Lan mintu’ attu nanii nasirinNa Puang Matua, la masero dio oloNa PUANG.

TO PARENGNGE’ 11:30

MangallonanMi tu Yefta lako PUANG, nakua: Iake Misorongi tama kuasangku tu to Amon,

TO PARENGNGE’ 13:5

Belanna manassa la ma’tambukko, ammu dadian misa’ pia muane; iatu ulunna tae’ nama’din narua piso peku’ku’ belanna randuk dio mai pa’tambukanna indo’na iatu pia muane iato misa’ nasirinNa Puang Matua; iamo la randuk ullendokan to Israel dio mai kuasanna to Filistin.

1 SAMUEL 1:10

Belanna tarru’ masussa tu penaanna, mengkamoyami lako PUANG, anna unnade-ade tumangi’.

1 SAMUEL 1:12

Tonna masaimo massambayang dio oloNa PUANG, napemarangami Eli tu pudukna.

1 SAMUEL 1:19

Tonna masiangna to millik kale’mi tu tau iato mai anna menomba dio oloNa Puang, anna sule lako banuanna dio Rama. Sangampa’mi Elkana tu Hana, bainena, sia Nakilalai dukamo PUANG.

1 SAMUEL 1:22

Apa iatu Hana tae’ namale rekke, sangadinna nakua lako muanena: ianna sarak susumo te pia, aku la ussolanni, anna mennolo dio oloNa PUANG sia torro tarru’ daa.

1 SAMUEL 1:27

Kupalaku te pia iate, anNa kamaseanna’ PUANG tu apa kupalaku lako Kalena.

1 SAMUEL 1:28

Iamoto la kusorong duka lako PUANG lan mintu’ allo katuoanna, belanna inang tisorongmo lako PUANG. Tukkumi tu pia iato menomba lako PUANG.

1 SAMUEL 2:20

Napassakkemi Eli tu Elkana sola duai ma’baine, nakua: Nakamaseimoroko PUANG bati’ dio mai baine iate la ussondai tu mangkanna disorong lako PUANG. Mangkato sulemi lako tondokna.