1 PETRUS 4:3 - Sura' Madatu

³ Belanna silasamo tu attu lendu’ minii mangka umpogau’i tu pa’poraian to kapere’, umpogau’ passulo bongi, kamailuan, malango, ma’dadu tambuk, tang ussanda mangiru’, menomba sanda kadake lako deata.

1 PETRUS 4:3 ပူးပေါင်းရင်းမြစ်များ

2 SAMUEL 13:28

Nasuami Absalom tu taunna susite: Manta-manta meloi, iake parannu-rannumi penaanna Amnon napobua’ anggoro’, angku kuai lako kalemi: patei tu Amnon, manassa la mipatei; da mimataku’, belanna aku ussuakomi. Iamoto la umpabatta’komi penaammi sia baranikomi.

1 DATU 21:26

Iatu gau’na megallian liu, belanna mengkaola lako deata, lan mintu’na tu napogau’ to Amori, tu Naula’i PUANG dio mai olona to Israel.

2 OSSORANNA DATU 15:8

Iatonna rangimi Asa te mintu’ kada iate, iamotu pa’nubua’na Azarya, anakna Oded, batta’mi tu penaanna, sia naputtai tu megallianna lan mai mintu’ tondok Yehuda sia Benyamin sia lan mai mintu’ kota dao buntu Efraim tu natalo. Sia napemeloi duka tu inan pemalaranNa PUANG, tu dio tingayo serambinNa PUANG.

YESAYA 28:7

Ia duka te tau iate mai re’ba len napobua’ uai anggoro’ sia tumbang len naginta’ tuak palango; moi dukato minaa sia nabi re’ba len napobua’ tuak palango, pusa natumang uai anggoro’, tumbang len napobua’ tuak palango, tire’ba len lan patiro mendeata, titu’mu’ len untingayo pa’bisaran.

YESAYA 5:11

Upu’ allona tu to millik kale’ ke melambi’ undaka’ pangiru’ sia iatu to torro bang sae lako dannari mangiru’ anna sallui anggoro’.

YESAYA 65:4

Sia to unno’ko’ diong lamunan sia to ma’bongi lan kabunianna sia to ungkande duku’ bai sia iatu kande megallian diong nasang lu kandianna.

YEREMIA 16:11

La mupokada lako tau iato mai, kumua: Belanna natampeMo’ nene’ to dolomi, kadanNa PUANG, sia unturu’mo kapenomban senga’ sia umpengkaolai sia tukku umpenombai sia natampeMo’ sia tae’mo nakaritutui tu Sukaran alukKu.

YEREMIA 16:18

Iamoto la dolo Kupabala’i penduan tu kakadakeanna sia kasalanna tau iato mai, belanna naruttakkimo batang rabuk megallianna sia megi’giranna tu tondokKu sia napasitutu’i apa iato tu mana’Ku.

YEHEZKIEL 44:6

Ammu ma’kada lako to pabali-bali, iamotu to Israel, kumua: Inde sia tu kadanNa Puangta PUANG, Nakua: Mandu maro’mo tu apa megallian mipogau’ e to Israel.

YEHEZKIEL 45:9

Inde sia tu kadanNa Puangta PUANG, Nakua: Tarru’ budamo to, e mintu’ arung to Israel. Tibemi tu kamasa’garan sia pa’pakario-rio, ammi pogau’i tu salunna sia kamaloloan; lendokanni tu taungKu dio mai pa’pandasammi, kadanNa Puangta PUANG.

MARKUS 7:22

pasandak salu lako rampanan kapa’, kamanengkengan, kabulitukan, patangnga’, barak, mailu mata, kada solang, kamatampoan, kabagan.

PENGGAURANNA RASULU’ 17:30

Mintu’na tu attu kabagan Napopa’elo’na Puang Matua, apa totemo te mintu’na tau nala umba-umba nii Nasua mengkatoba’.

ROMA 13:13

La lumingka maloloki’, susitu sipato’na ke masiangna; da’ anna sisola kamalaboan sia kamalangoan sia da’ anna sisola gau’ sala sia passulo bongi sia da’ anna sisola kasigagan sia kamabillanan.

1 KORINTUS 12:2

Miissan kumua iatommi kapere’pa, mangkamokomi direnden lako deata mamang, susitu kanasolammi.

1 KORINTUS 6:11

Den dukakomi pira pirambongi’ susito, apa mangkamokomi dibasei, sia mangkamokomi dipamasero sia mangkamokomi dibilang masero tete dio sanganNa Puang Yesu sia tete dio PenaanNa Kapenombanta.

2 KORINTUS 12:21

Mataku’na’, iamo ke sae pole’na’ manii, anna pamadionganna’ Puang dio tingayomi, angku pamasussai tu to umpogau’ bang kasalan pirambongi’, natontongpa tang mengkatoba’ dio mai kamaruttakan napogau’ sia gau’ sala sia passulo bongi.

GALATIA 5:19

Iatu mintu’ penggauran kamoraian pa’kalean payan bang, iamotu: gau’ sala, kamaruttakan, passulo bongi,

GALATIA 5:21

kamagallian, kamalangoan, ma’dadu tambuk sia susinnato. Iatu mintu’nato kupokada dolomo lako kalemi, susitu mangka kupokadangkomi pirambongi’, kumua iatu to umpogau’i tu mintu’na apa susito, tae’ nala umpomana’ ParentaNa Puang Matua.

EFESUS 5:18

Da mima’pelango anggoro’ tu umpabu’tu tang penggauran, sangadinna la Naponnoikomi Penaa,

1 TESALONIKA 4:5

tang unturu’ kamoraian pa’kalean, susi gau’na to kapere’ tu tang untandai Puang Matua;

TITUS 3:3

Belanna kita duka bagaki’ pirambongi’ sia pabali-bali sia pusa sia unturu’ ma’rupa-rupa kamailuan sia pa’poraian lino, tuo lan kakadakean sia kamagallian sia tumbuan biri’ sia sikabiri’.

1 PETRUS 1:14

Susikomi pia’-pia’ mengkaola sia da ammi parundu’i tu sangka’ menturu’ lako kamailuan dolo, susi tommi lanpa kabagammi,

YUDAS 1:4

Belanna den ba’tu pira-pira tau tama buni, iamotu to tisura’ dolomo lako ukungan iate; to tang mekaaluk, tu ussondai tang penggauran tu pa’kamaseanNa Kapenombanta, anna peonganni tu pangulu misa’ta sia Puangta, Yesu Kristus.