1 PETRUS 3:3 - Sura' Madatu

³ Da ammi pakei kalemi pakean merrupa, iamotu beluak diampinni’ sia umpake bulaan, ba’tu ma’rupa-rupa pakean maballo,

1 PETRUS 3:3 ပူးပေါင်းရင်းမြစ်များ

KADADIAN 24:22

Nasusito, iatonna mangka nasangmo unniru’ uai tu mintu’ unta, naalami tau iato tu baba’ bulaan sangbangunan, sangtangnga sikele’ timbangna, na sangbangunan komba bulaan, sangpulo sikele’ timbangna, napaluangi tu limanna patomali.

KADADIAN 24:47

Kukutanaimi kukua: Mindaroko anak? Mebalimi nakua: Anaknana’ Betuel, anak dadianna Nahor, tu napadadianni Milka. Kupapasangimi baba’ lako, sia kupaluangi komba tu limanna patomali.

KADADIAN 24:53

Napatassu’mi tu ba’tu sangapa pareanan salaka sia bulaan sia ba’tu sangapa pakean, anna benni Ribka, sia ba’tu sangapa dukapa pareanan ballo nabenni tu anak muanena sia indo’na.

2 DATU 9:30

Rampomi tu Yehu lako Yizreel. Iatonna rangi Izebel tu iannato, nasilla’mi tu matanna sia nabeloi tu ulunna, nama’penunu dao mai pentiroan.

ESTER 5:1

Iatonna allo ma’pentallun umpakemi pakean kadatuan tu Ester, namale bendan lako tingayo bilik lanna lu tongkonan layukna datu sitingoan bilik datu, tonna unnisung tu datu dao isungan kapayunganna lan bilik datu sitingoan lalan tama bilik iato.

PA’PUDIAN 45:9

Mintu’ tamangkalemi situtu’ bau muru sia andelen sia kadinge’; sia lan mai tongkonan layuk dikararak gading naniimo tu mintu’ paningoan diritii umpasendekomi.

KATASSURAN 3:22

Belanna mintu’ baine la umpalakui lako sangbanuanna ba’tu lako siruranna tu ma’rupa-rupa pareanan salaka sia bulaan sia tamangkale, tu napapakean anakna muane sia baine; la mipasusimoto umpangrampai tu tondok Mesir.

KATASSURAN 32:2

Ma’kadami Harun lako tau iato mai nakua: Sintakki tu mintu’ paku-paku bulaan dio mai talinganna bainemi sia anakmi muane sia baine mibanna’ mai.

KATASSURAN 33:4

Tonna rangimi to buda te kada metakuran iate, masussami penaanna, naurunganni tae’mo’ misa’ umpake belona.

KATASSURAN 35:22

Pada saemi la muane la baine minda-minda masorok penaanna umbaa baba’ illong sia anting-anting sia sissin diparimatai sia manik ata sia ma’rupa-rupa pareanan bulaan. Iatu mintu’ muane tu umpennoloan bulaan dipopemala’ disorong ditarima sule lako PUANG,

KATASSURAN 38:8

Iatu pembasean tambaga nagaragai, na iatu lentekna tambaga duka, samminna baine untoe toean dio ba’ba tenda kasitammuan, tu digaragai.

YESAYA 52:1

Matangkinko, matangkinko, pakei tu kamawatangammu, e Sion; pakei tu pakean ballomu, e Yerusalem, tondok maindan. Belanna tae’mo anna la tama mati’ tu to tang disunna’ ba’tu to maruttak.

YESAYA 61:10

Iatu penaangku umpoparannu tongan PUANG, iatu deatangku unnarrak-arrak umposende-sende Kapenombangku, belanna Natamangkaleimo’ pakean kasalamaran, sia Napabayuina’ bayu lamba’ kamaloloan, sangtinti to muane diparampo ma’passapu susito minaa sia ten to baine diparampo umbeloi kalena.

YEREMIA 2:32

Denraka misa’ baine mangura tang ungkilalai belona, ba’tu misa’ baine diparampo tang ungkilalai pepori aakna? Apa taungKu masai allomo tang ungkilalaiNa’.

YEREMIA 4:30

Iamoto apa la mupogau’, e iko tu sanggangmo, moi ammu ma’pakean lango-lango, moi ammu beloi ma’rupa-rupa bulaan tu kalemu, moi ammu ba’da’i malotongi tu matammu? Tae’ gai’na mubeloi tu kalemu susito, mintu’ pa’pangngan buni ussayuko sia morai ungka’tu sunga’mu.

YEHEZKIEL 23:40

Ondongpi iatu tau iato mai umpesuan muane sae dio mai padang mambela; mane disua tu pesua lako tau iato mai, nata’pa saemo; belanna tau iato mai mumendio’ sia ullotongiko bulu matammu sia umbeloiko kalemu.

ROMA 12:2

Sia da mipeolai tu a’ganna te lino, sangadinna la membalikomi diona kadiba’ruanna penaammi, ammi issanni untandai pa’poraianNa Puang Matua, iamo melona sia Naporainna sia sundunna.

1 PETRUS 3:2

ke natiroi tu kedo maseromi sia sibaa pa’pakaraya.