1 DATU 9:7 - Sura' Madatu

⁷ manassa la Kuurakki tu to Israel dio mai tu padang Kukamaseanni, sia iate banua mangka Kupamarimbanganan sangangKu, la Kutumpu dio mai oloKu, naurunganni iatu to Israel la dipoparumbasan sia la dadi misa’ kaditellean dio lu mintu’ bangsa.

1 DATU 9:7 ပူးပေါင်းရင်းမြစ်များ

1 DATU 11:10

sia tu mangka umpepasananni tu diona apa iate, kumua da mupenombai kapenomban senga’; apa tae’ nakaritutui te pepasanNa PUANG.

1 DATU 9:3

Ma’kadami tu PUANG lako Nakua: Kurangimo tu passambayangmu sia pengkamoyamu tu mangka mupennoloan dio oloKu, sia Kupamarimbanganmo te banua mangka mubangun, belanna Kupalanmo tu sangangKu tontong sae lakona; sia iatu matangKu sia penaangKu la dio bang kiallo-kiallo.

2 DATU 25:21

Napesuammi datu Babel umpatei tu tau iato mai dio Ribla lan lili’na Hamat. Susimoto tu kadipaliranna to Yehuda lan mai tondokna.

2 DATU 25:9

Nasumpunmi tu banuanNa PUANG sia tongkonan layukna datu, sia iatu mai banua dio Yerusalem, iamotu mintu’ banuanna to kapua, pura nasumpun.

2 OSSORANNA DATU 36:19

Sia pura naballa tu banuanNa Puang Matua sia narondon tu rinding tembo’ Yerusalem, sia mintu’ tongkonan layukna pura naballa api, sia iatu mintu’ pareanan mellong nasanggang-sanggang duka.

2 OSSORANNA DATU 7:20

manassa la Kulampi’i tu tau iato mai lan mai padangKu tu Kukamaseanni; na iate banua Kupamarimbangan sangangKu la Kutibe dio mai oloKu, angKu padadii misa’ parumbasan sia kaditellean dio lu mintu’ bangsa.

PA’PUDIAN 44:14

Mitananmokan pa’be’seanna mintu’ bali lembangki, sia pa’telleanna sia parumbasanna to untama tikuikan.

PA’PUDIAN 44:15

Mitananmokan pa’parundean dio lu mintu’ bangsa, sia ilingan ulu dio lu to sangpetayanan.

PA’PUDIAN 69:11

Iatongku parra uai matangku, angku popengkadiongan kaleku ma’puasa, ia duka nabe’seanna’ to.

YESAYA 65:15

Iatu sangammi mitampean to ditonno’Ku, la dipake unggatai tau: Napateimoko PUANG. Apa iatu mintu’ taunNa’ la Nakamasean misa’ sanga senga’,

YEREMIA 24:9

Kueloran tu tau iato mai napakario-rio sia nasanggang mintu’ kadatuan lan lino sia la dadi kaditattan sia dipoparumbasan sia kaditellean sia tampakan ropu dio lu mintu’ inan, tu la Kunii umpatisambo’i tu tau iato mai.

YEREMIA 25:9

iamoto la Kusua tu mintu’ bangsa daa mai ulunna salu, kadanNa PUANG, sia ia duka tu Nebukadnezar, datu Babel, taungKu, sia la Kupasae tu tau iato mai ussanggangi te padang iate sia mintu’ pa’tondokanna, sia mintu’ bangsa tiku lao, sia la Kusabu’i butung pepayu sia la Kupopendadi apa napotiramban tau sia apa nabellu’i tau sia nabelle’i sae lakona.

YEREMIA 26:18

Iatonna linona Hizkia, datu Yehuda, ma’nubua’mi Mikha, to Moresyet sia ma’kada lako mintu’ bangsa Yehuda, nakua: Inde sia tu kadanNa PUANGna mintu’ ma’dandan maritik, kumua: Iatu Sion la ditengko susi pa’lak sia Yerusalem la daun lauan, sia iatu buntu nanii Banua Kabusungan la membuntu pangala’ kamban.

YEREMIA 26:6

manassa iate banua la Kupasusi Silo, sia kota iate la Kusanggang anna sa’bu’i mintu’ bangsa dao kuli’na padang ke ma’tampak ropui.

YEREMIA 44:8

Sia mipa’dikki tu penaangKu diona mintu’ panggaraga limammi, belanna memala’komi lako kapenomban senga’ dio tana Mesir, tu miniimo male la mentiruan, ammi dadimo tampak ropu sia kaditattan dio lu mintu’ bangsa dao kuli’na padang.

YEREMIA 52:13

Nasumpunmi tu banuanNa PUANG sia tongkonan layukna datu, sia iatu mai banua dio Yerusalem, iamotu mintu’ banuanna to kapua, pura nasumpun.

BATING 1:8

Lendu’ tongan kapuana tu kasalanna Yerusalem; iamoto naboko’i tau susito misa’ tau maruttak; iatu mintu’ to umpangke’i, untattami, belanna natiromo tu kama’kambelanganna; ia kalena duka sumarro sia memboko’.

BATING 2:17

Napogau’mo PUANG tu apa mangka Natangnga’, Napalanda’mo tu apa mangka Napokada, tu apa mangka Napa’parentan tempon dio mai; Mangrabunnimo, tang Nakatirinnai len. Napasende tu ualimmu diona iko, Napalayangmo tu tandukna mintu’ to umbali-baliko.

YEHEZKIEL 24:21

Pokadanni to Israel: Inde sia tu kadanNa Puangta PUANG, Nakua: Manassa la Kuruttakki tu inan maindanKu, tu oto’ kamatotorammi, tu mipotete massattuan, tu apa naporai matammi sia nakamali’ penaammi; na iatu mintu’ anakmi muane sia anakmi baine tu mitampena la tibambang nakande pa’dang.

YEHEZKIEL 5:15

Nasusito la dadiko misa’ apa ditatta sia dibe’se, tu umpandan pa’pakilala sia misa’ apa napotiramban mintu’ bangsa untikuiko, ke Kuparampoimoko ukungan tete dio kasengkean sia kare’dekan ara’ sia peada’ masarrang. Akumo, PUANG, tu mangka ma’kada.

HOSEA 9:3

Tae’mo nala torro lan tondok PUANG tu tau iato mai, sangadinna iatu Efraim la sule lako Mesir, sia la ungkande apa tang masero dio lu Asyur.

YOËL 2:17

Iatu mintu’ to minaa, iamo tu to untoe pentoeanNa PUANG, la tumangi’ lan kasiallaranna sarambi sia inan pemalaran, anna ma’kada nakua: Kasayangi tu taumMi, PUANG sia da Misa’bianganni tu taa mana’Mi la ditatta, naurunganni napoparumbasan to kapere’ tu tau iato mai. Ma’apai nala ma’kada tu mai tau dio lu mintu’ bangsa, nakua: Umbara tu Kapenombanna tau iato mai?

MIKHA 3:12

Iamoto kamu napobannang na iatu Sion la ditengko susi misa’ pa’lak, sia iatu Yerusalem la mendadi misa’ inan daun launan, ondongpi iatu buntu Banua Kabusungan la membuntu pangala’.

MATIUS 23:38

Tiromi midisa’bianganan tu banuammi.

MATIUS 24:2

Mebalimi Nakua ungkuanni tinde tau: Tang mipemaranga nasangmoraka te mintu’na te? Tonganna tongan Kukua mati’, tae’ la torro indete tu batu mettodo’ dao batu senga’, tu tang la diseranna.

LUKAS 21:24

sia kasengkean lako te tau sia la mate nakande pa’dang mataran sia dirampa nadibaa lako mintu’ rapunna tau sia iatu Yerusalem la nasilullu’i to kapere’ sae lako kasundunanna allona tu to kapere’.

PA’TOLE 28:37

La dadiko misa’ apa napomagiang tau, sia napoparumbasan sia napotellean mintu’ bangsa, tu tondokna, Nanii PUANG ussolangko lako.

PA’TOLE 4:26

allo iate kualamo tu langi’ sia padang la ussa’biikomi diona kasalammi, kumua manassa la madomi’komi tallan lan tondok, tu la miala mipoapa, ke mangkamokomi ullamban Yordan; tae’ mimasai tuo lan tondok iato, sangadinna manassa la disanggangikomi.

YOSUA 23:16

Iake milendai tu basse, tu Naallurangkomi PUANG, Kapenombammi, ammi male umpengkaolai sia tukku umpenombai kapenomban senga’, manassa la ma’lulu-lulu tu kasengkeanNa PUANG lako kalemi sia la madomi’komi disanggangi lan mai tondok ballo tu Nakamaseangkomi Puang.

1 SAMUEL 15:11

MenassanNa’, belanna Kuangka’ tu Saul dadi datu, belanna toyangmo dio mai Kaleku sia tae’mo naturu’i tu parentaKu. Massengmi penaanna tu Samuel, anna meongli’ lako PUANG situ’turan bongi.