1 DATU 9:5 - Sura' Madatu

⁵ manassa la Kupabantang tu isungan kadatuammu umparenta to Israel tontong sae lakona, susitu kadangKu lako Daud, ambe’mu, kumua: tae’ len nala ka’tu dio mai kalemu tu misa’ tau tu la unnisung dao kapayunganna Israel.

1 DATU 9:5 ပူးပေါင်းရင်းမြစ်များ

2 SAMUEL 7:12

Iake upu’mi tu allomu, sia ka’tu angin dipudukmu musanginanmo nene’ to dolomu, iamoto angKu patulangdanni tu bati’mu la ussondako, iamoto sun dikalemu, angKu pabantangi tu kadatuanna.

2 SAMUEL 7:16

Iatu banuammu sia kadatuammu la masae lako dio tingayomu, sia isungan kapayungammu la bantang sae lakona.

1 DATU 2:4

Anna palanda’i PUANG tu pangallu’ tu mangka Napokada diona aku kumua: Iake nakaritutui meloi anakmu tu mai lalanna sia lolang maruru’ dio oloKu sia lantuk tu penaanna sia kalebu deatanna, manassa moi misa’ bati’mu tang la ka’tu unnisungi isungan kapayunganna Israel.

1 DATU 6:12

Iate banua mupabendan, ke lolangko unturu’ mintu’ apa Kupondok, sia umpogau’i tu mintu’ atorangKu sia ungkaritutui tu mintu’ pepasanKu ammu pengkaolai, manassa la Kupamatua tu kadangKu lako kalemu, tu mangka Kupokada lako Daud, ambe’mu,

1 DATU 8:15

Sia ma’kada nakua: Mintu’ kadipudian lu langngan PUANG, Kapenombanna to Israel, tu mangka umpasundunni tu apa mangka Nasa’bu’ randan dipudukNa lako Daud, ambe’ku, Nakua:

1 DATU 8:20

Naparampo randannamo PUANG tu kada mangka Napokada, belanna tunannangmo’ ussonda Daud, ambe’ku, sia unnisungmo’ dao isungan kapayunganna Israel, susitu kadanNa PUANG, sia iate banua iate kubangunammo sanganNa PUANG, Kapenombanna to Israel.