1 DATU 9:3 - Sura' Madatu

³ Ma’kadami tu PUANG lako Nakua: Kurangimo tu passambayangmu sia pengkamoyamu tu mangka mupennoloan dio oloKu, sia Kupamarimbanganmo te banua mangka mubangun, belanna Kupalanmo tu sangangKu tontong sae lakona; sia iatu matangKu sia penaangKu la dio bang kiallo-kiallo.

1 DATU 9:3 ပူးပေါင်းရင်းမြစ်များ

1 DATU 8:29

kumua Mitiroi allo bongi te banua iate, iamotu inan tu mangka Mipokada kumua: Iatu sangangKu la inde to dio – amMi perangii tu passambayang, tu la napennoloan taumMi lan inan iate.

2 DATU 20:5

Tibalikko sule sia pokadanni Hizkia, arungna taungKu, kumua: Inde sia tu kadanNa PUANG, Kapenombanna Daud, nene’ to dolomi, nakua: Kurangimo tu passambayangmu sia Kutiromo tu mintu’ uai matammu; manassa la Kupamondoko, anna allo ma’pentallun mumale langngan banuanNa PUANG.

2 DATU 21:7

Napabendan duka tu misa’ rapang-rapang dipodeatanna Asyera, tu mangka nagaragai, lan banua, tu mangka Napokada PUANG a’ganna lako Daud sia lako Salomo, anakna muane, Nakua: Lan te banua indete Yerusalem, tu Kupilei langsa’ dio mai mintu’ sukunna to Israel, la Kunii umpaunnisung sangangKu tontong sae lakona.

2 OSSORANNA DATU 33:7

Napabendan duka tu misa’ rapang-rapang batu dipodeata, tu mangka nagaragai, lan banuanNa Puang Matua, tu mangka Napokada Puang Matua a’ganna lako Daud sia lako Salomo, anakna muane, Nakua: Lan te banua indete Yerusalem, tu Kupilei langsa’ dio mai mintu’ suku to Israel, la Kunii umpaunnisung sangangKu tontong sae lakona.

2 OSSORANNA DATU 6:40

Iamoto, o Kapenombangku, la Mitiro sia la Miperangii tu passambayang indete inan iate.

EZRA 6:12

Na Puang Matuamora tu umpaunnisung sanganNa inde to dio, ussabu’i tu mintu’ datu sia bangsa, tu ullendai te parenta iate sia unnangka’ limanna la ussanggangi te banuanNa Puang Matua dio Yerusalem. Akumo, Darius, tu umpatassu’i te parenta iate; manassa la dipalalo tongan.

PA’PUDIAN 10:17

O PUANG, Miperangiimo tu pa’poraianna to umpamadiongan penaanna; Kamu umpabatta’i tu penaanna sia Kamu untananni talinga,

PA’PUDIAN 116:1

Kukamali’ tu PUANG, belanna Natanannimo talinga tu kadangku sia pengkamoyaku.

PA’PUDIAN 34:17

Apa Natiro sengke tu to umpogau’ kakadakean, la umpa’dei lan mai lino tu kadilamban-bayo-bayoanna tau iato mai.

PA’PUDIAN 65:3

O Puang, tu umperangii passambayangna tau, mati’ Kalemi nanii mengkara’pa mintu’na kepenaanna.

PA’PUDIAN 66:19

Apa inang Natanding talingana’ Puang Matua, sia Naparinaa tu pengkamoyaku.

KATASSURAN 20:11

Belanna annan allona Nanii PUANG umpadadi tu langi’ sia lino sia tasik sola mintu’ issinna, anNa torroi tonna allo ma’pempitu; iamoto Napassakkei PUANG tu allo katorroan sia Napamadatu.

KATASSURAN 29:44

Aku la umpamaindanni tu tenda kasitammuan sia iatu inan pemalaran sia Aku la umpamaseroi tu Harun sola tu mai anakna muane, kumua anna ia untoei tu katominaan lako Kaleku.

YEREMIA 15:1

Apa Nakua PUANG lako kaleku: Moi anna Musa sola Samuel bendan dio oloKu, tae’ duka nala unnalai penaangKu te bangsa iate; papallai tu tau iato mai dio mai oloKu, suai male.

YEREMIA 7:10

ammi mane sae umpennoloiNa’ lan banua iate, tu dinii unggente’ sangangKu, mikua: Tilendokmokan! kumua ammi pogau’i te mintu megallianna?

DANIEL 9:23

Iatonna bunga’ pengkamoyamu, tassu’mi misa’ kada sia saemo’ umpokadangko, belanna ikomo tu tarru’ dipakaboro’. Palan penaai tu kada iato sia pariba’tengi tu patiro mendeata.

KADIBILANGAN 16:38

iamotu peroyanna to umpogau’ kasalan, anna sisayuran sunga’na, anna ditampa tu peroyan iato mendadi susito papan manipi’, anna disapuran inan pemalaran, belanna napennoloammo dio oloNa PUANG, naurungan maindan; susimoto napotanda pengkilalan mintu’ to Israel.

MATIUS 6:9

Iamoto dadi la mikua massambayang: O Ambe’ki dao suruga, (kipalaku) anna dipakala’bi’ tu sangamMi:

YOHANES 11:42

Inang Kuissanmo kumua tontongKomi umperangiiNa’, apa belanna iari te to buda bendan untalimbungNa’, angKu pokadai te, anna patonganni kumua Kamu ussuaNa’.

PENGGAURANNA RASULU’ 10:31

nakua: E, Kornelius, ditarimamo tu passambayangmu, sia Napengkilalai Puang Matua tu pa’kamaseammu.

PA’TOLE 11:12

Iamotu misa’ tondok Nakaduttu’ PUANG, Kapenombammu; tontong Napemaranga PUANG, Kapenombammu, randuk pamulanna taun sae lako upu’na taun.

PA’TOLE 12:11

manassa la lakokomi inan, tu Napileimo PUANG, Kapenombammi, la Napannii sanganNa, minii umbaa mintu’ apa tu kupepasanan lako kalemi, iamotu pemala’ ditunu pu’pu’mi sia pemala’ pangrere’mi, taa sangpulomi sia pa’durukmi sia mintu’ pemala’ pangallonan dipilei, tu la mialluran PUANG.

PA’TOLE 12:21

Iatu inan Napilei PUANG, Kapenombammu, la Nanii umpannii sanganNa, ke mambela tonganni dio mai kalemu, manassa la mutunu tu ba’tu pira-pira sapi sia domba sia bembe’ tu mangka Nakamaseangko PUANG, susitu mangka kupepasanan lako kalemu, ammu kandei sangapa-apa muporai lan mintu’ pa’tondokammu.

PA’TOLE 12:5

Apa iatu inan Napileimo PUANG, Kapenombammi, dio mai lili’na mintu’ sukummi la Napannii sanganNa dio sia Nanii ma’tondok, iamoto tu la midaka’ sia la minii male lako.

PA’TOLE 16:11

La parannu-rannuko dio oloNa PUANG, Kapenombammu, iko sola tu mai anakmu muane sia iatu mai anakmu baine, kaunanmu muane sia ia tu mai kaunanmu baine, sola to Lewi, tu torro lan babangan kotamu, sia to sae, sia pia biung sia baine balu, tu misisolan, dio inan tu la Napilei PUANG, Kapenombammu, la Napannii sanganNa dio.

1 YOHANES 5:14

Indemo tu kabattaranna penaanta lako Puang, ke umpalakuki’ apa situru’ pa’poraianNa, Natarima tu pa’palakunta.