1 DATU 9:26 - Sura' Madatu

²⁶ Nagaraga dukami datu Salomo tu ba’tu pira-pira lembang dio Ezion-Geber sikandappi’ Elot, dio biring tasik Teberau, lan lili’na tondok Edom.

1 DATU 9:26 ပူးပေါင်းရင်းမြစ်များ

1 DATU 10:22

Belanna den lembangna datu lan tasik tu ma’palu lako Tarsis sola lembangna Hiram sipissan lan tallung taun namaneo tama tu lembang dio mai Tarsis umbaa bulaan sia salaka sia gading sia seba sia merak.

1 DATU 22:48

Iatonna attu iato tae’ datu dio Edom, anna to maraa tu bendan butung datu.

1 DATU 22:49

Nagaragami Yosafat tu kappala’ susi kappala’ Tarsis la lao unnala bulaan dio mai Ofir. Apa tae’ anna landa’ massombaran, belanna malammu’ tu mintu’ kappala’ iato dio Ezion-Geber.

2 DATU 14:22

Napamatoto’mi tu Elat, sia napasule lako Yehuda, tonna malemo tama batu dilobang tu datu Amazia, sola nene’ to dolona.

SARAMBU PEADA’ 31:14

Susi ia kappala’ pa’balili, sia unnala kandena dio mai tondok mambela.

KADIBILANGAN 33:35

Nake’de’ dio mai Abrona, anna ma’tenda dio Ezion-Geber.

PA’TOLE 2:8

Iamoto tatarru’ male, anta toyang dio mai siulu’ta, tu bati’na Esau, tu umpa’tondokki Seir, tassu’ dio mai Araba-Yordan, iamotu dio mai Elat sia Ezion-Geber. Tamane tibalik ma’palulako padang pangallaran Moab.