1 DATU 9:24 - Sura' Madatu

²⁴ Mane tassu’ tu anakna baine Firaun lan mai kotana Daud lako banua kalena tu nagaraganni Salomo, nata’pa umbangunni tu Milo.

1 DATU 9:24 ပူးပေါင်းရင်းမြစ်များ

2 SAMUEL 5:7

Apa natalo Daud tu tambakuku Sion, iamo tondokna Daud.

2 SAMUEL 5:9

Torromi Daud lan kota ditambakuku iato, anna sangai tondok Daud; napalilingimi Daud rinding tembo’ randuk dio mai Milo ma’palutama.

1 DATU 11:27

Inde sia bannangna anna balii tu datu: Dikua umbangun Milo tu Salomo sia umpemeloi tu benteng tembo’ ro’pok dio kotana Daud, ambe’na.

1 DATU 3:1

Pakalan napomatusami Salomo tu Firaun datu Mesir, belanna napobaine tu lai’na Firaun sia nabaamo tama kotana Daud sae lako mangkanna tu datu umbangun tongkonan layukna sia banuanNa PUANG sia rinding tembo’ tu untikui Yerusalem.

1 DATU 7:8

Ia duka tu banua nanii torro lan tarampak senga’, rampe tamanna bilik pa’paolaian salu, pada bang garaganna. Sia nagaraga dukapa Salomo tu misa’ banua pada garaganna tu bilik pa’paolaian salu, napannii anakna baine Firaun tu napobaine.

2 OSSORANNA DATU 32:5

Sia napangu’kui umpemeloi tu mintu’ rinding tembo’ ro’pok, anna pabendanni tu menara dao sia benteng tembo’ senga’ dio salian. Sia napematoto’i duka tu Milo lan kotana Daud, anna popegaragai doke sia balulang buda.

2 OSSORANNA DATU 8:11

Nasolammi Salomo sun lan mai tondokna Daud tu lai’na Firaun lako tu banua mangka nabangunanni, belanna nakua: Moi misa’ baineku tae’ nama’din torro lan banuanna Daud, datu to Israel, belanna iatu mintu’ inan, tu nanii rampo pattinNa PUANG, maindan nasang.